കാബൂള്‍: അഫ്ഗാന്‍ പ്രസിഡന്‍റ് അഷ്റഫ് ഗനിക്ക് വീണ്ടും പ്രധാനമന്ത്രി നരേന്ദ്ര മോദിയുടെ ജന്മദിനാശംസ. ഈ വര്‍ഷം രണ്ടാമത്തെ തവണയാണ് ഗനിക്ക് മോദിയുടെ ജന്മദിനാംശംസ ലഭിക്കുന്നത്. ‘പ്രസിഡന്‍റിന് എന്‍െറ ഹൃദ്യമായ ജന്മദിനാശംസകള്‍. താങ്കളുടെ ദീര്‍ഘായുസ്സിനും ആരോഗ്യത്തിനും വേണ്ടി പ്രാര്‍ഥിക്കുന്നു. ഇത്തവണ തീയതി കൃത്യമാണെന്ന് കരുതുന്നു’ -എന്ന് നരേന്ദ്ര മോദി ട്വിറ്ററില്‍ കുറിച്ചു. കഴിഞ്ഞ ഫെബ്രുവരിയിലും മോദി ജന്മദിനാശംസ നേര്‍ന്നിരുന്നു. മോദിയുടെ നല്ല വാക്കുകള്‍ക്ക് നന്ദിപറഞ്ഞ ഗനി ജന്മദിനം മേയ് 19നാണെന്ന് ചൂണ്ടിക്കാട്ടുകയായിരുന്നു. തീയതി ഓര്‍ത്തുവെച്ച് മോദി സന്ദേശം അയക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.