വാഷിങ്ടൺ: മുൻ യു.എസ് പ്രസിഡൻറുമാരായ ബിൽ ക്ലിൻറെൻറയും ബറാക് ഒബാമയുടെയും സാമ ്പത്തിക ഉപദേഷ്ടാവായിരുന്ന അലൻ ക്രൂഗർ ആത്മഹത്യ ചെയ്തു. 58 വയസ്സായിരുന്നു. ആത്മഹത ്യയുടെ കാരണം അജ്ഞാതമാണ്. 1987 മുതൽ പ്രിൻസ്റ്റൺ സർവകലാശാലയിലെ സാമ്പത്തിക ശാസ്ത്രജ്ഞനായിരുന്നു ഇദ്ദേഹം.
സാമ്പത്തിക അസമത്വവുമായി ബന്ധപ്പെട്ടായിരുന്നു അദ്ദേഹത്തിെൻറ ഗവേഷണങ്ങൾ. തൊഴിൽ വിപണിയിൽ പ്രത്യേകിച്ച് അടിസ്ഥാന വേതനം എന്ന വിഷയത്തിലായിരുന്നു ക്രൂഗ്നറുടെ ഗവേഷണം. ബിൽ ക്ലിൻറൻ പ്രസിഡൻറായ കാലത്ത് ലേബർ വകുപ്പിൽ സാമ്പത്തിക വിദഗ്ധനായി ജോലി ചെയ്തു. ബറാക് ഒബാമയുടെ കീഴിൽ ട്രഷറി ഉന്നത ഉദ്യോഗസ്ഥനായും സേവനമനുഷ്ഠിച്ചു. 2011 മുതൽ 2013 വരെ കൗൺസിൽ ഒാഫ് ഇക്കണോമിക് അഡ്വൈസേഴ്സ് ചെയർമാനായും ജോലി നോക്കി. അമേരിക്കക്ക് സമർഥനായ സാമ്പത്തിക വിദഗ്ധനെയും തനിക്ക് ഉറ്റ സുഹൃത്തിനെയുമാണ് നഷ്ടപ്പെട്ടതെന്ന് ഒബാമ അനുസ്മരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.