വാഷിങ്ടൺ: തുർക്കി പൗരന്മാർക്ക് വിസ നൽകുന്നത് തടഞ്ഞുവെച്ച തീരുമാനം യു.എസ് പിൻവലിച്ചു. രണ്ടുമാസത്തിന് ശേഷമാണ് തീരുമാനം പിൻവലിക്കുന്നത്. തുടർന്ന് യു.എസ് പൗരന്മാർക്ക് ഏർപ്പെടുത്തിയ വിസ വിലക്ക് പിൻവലിച്ചതായി തുർക്കിയും അറിയിച്ചു. തുർക്കി അധികൃതരിൽനിന്നും ലഭിച്ച ഉറപ്പിന്മേലാണ് വിസ നൽകുന്നത് പുനരാരംഭിക്കുന്നതെന്ന് യു.എസ് നയതന്ത്രജ്ഞർ അറിയിച്ചു. കഴിഞ്ഞ ഒക്ടോബറിൽ ഇസ്തംബൂളിലെ യു.എസ് കോൺസുലേറ്റിലെ ഉദ്യോഗസ്ഥനെ തുർക്കിയിലെ അന്വേഷേണാദ്യോഗസ്ഥർ അറസ്റ്റ് ചെയ്തതിനെ തുടർന്നാണ് ഇരുരാജ്യങ്ങളും തമ്മിലെ ബന്ധം വഷളായത്. 2016ലുണ്ടായ അട്ടിമറിശ്രമത്തിന് പിന്നിൽ പ്രവർത്തിച്ചുവെന്ന് ആരോപിക്കെപ്പടുന്ന ഫത്ഹുല്ല ഗുലനുമായി ബന്ധപ്പെട്ടുവെന്ന് ആരോപിച്ചായിരുന്നു അറസ്റ്റ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.