മുംബൈ: ജാപ്പനീസ് സ്മാർട് ഫോൺ നിർമാതാക്കളായ സാൻസൂയി വില കുറഞ്ഞ 4ജി സ്മാർട്ഫോൺ ഹോറിസൺ 2 ഇന്ത്യൻ വിപണിയിൽ അവതരിപ്പിച്ചു. ഇന്ത്യയിലെ ബജറ്റ് സ്മാർട്ഫോൺ നിരയിൽ തരംഗമുണ്ടാക്കാൻ ലക്ഷ്യമിട്ടാണ് സാൻസൂയിയുടെ നീക്കം. ജിയോയുടെ വരവോട് കൂടി 4ജി സ്മാർട്ഫോണുകളുടെ ഡിമാൻറ് വൻതോതിൽ വർധിച്ചത് മുന്നിൽകണ്ടാണ് സാൻസൂയിയുടെ നീക്കം.
അഞ്ച് ഇഞ്ച് ഡിസ്പ്ലേയാണ് ഹോറിസണിന് 1.25 ജിഗാഹെഡ്സിെൻറ ക്വാഡ് കോർ പ്രോസസറാണ് കരുത്ത് പകരുന്നത്. 2 ജി.ബി റാം 16 ജി.ബി റോം എന്നിവയാണ് സ്റ്റോറേജ് . മെമ്മറി 64 ജി.ബി വരെ ദീർഘിപ്പിക്കാവുന്നതാണ്. 8 മെഗാപിക്സലിെൻറ പിൻകാമറയും 5 മെഗാപിക്സലിെൻറ മുൻ കാമറ, ആൻഡ്രോയിഡ് ന്യൂഗട്ടാണ് ഒാപ്പറേറ്റിങ് സിസ്റ്റം. ഗോൾഡ്, ബ്ലാക്ക് ഗ്രേ, റോസ് തുടങ്ങിയ നിറങ്ങളിൽ പുതിയ ഫോൺ ലഭ്യമാവും. ഡിസ്പ്ലേയിലെ ദൃശ്യങ്ങൾ കൂടുതൽ മിഴിവ് നൽകുന്നതിനുള്ള സംവിധാനവും പുതിയ ഫോണിൽ ഉൾപ്പെടുത്തിയിട്ടുണ്ടെന്ന് കമ്പനി അറിയിച്ചു.
ഒ.ടി.ജി പെൻഡ്രൈവ് കണക്ട് ചെയ്യുന്നതിനുള്ള സംവിധാനവും ഫോണിൽ ഉൾപ്പെടുത്തിയിണ്ട്. 5,000 രൂപക്ക് മുകളിലുള്ള ഫോണിൽ ലഭ്യമാകുന്ന എല്ലാ സൗകര്യങ്ങളും കുറഞ്ഞ് വിലക്ക് സംയോജിപ്പിക്കാൻ കഴിഞ്ഞു എന്നതാണ് സാൻസൂയിയുടെ വിജയം. കുറഞ്ഞ വിലക്ക് എല്ലാ സൗകര്യങ്ങളും വേണമെന്ന് ആഗ്രഹിക്കുന്നവരെയാണ് പുതിയ ഫോണിലൂടെ സാൻസൂയി ലക്ഷ്യം വെക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.