വാഷിങ്ടണ്: 74 ശതമാനം ഇന്ത്യക്കാരും ഉറങ്ങുന്നത് സ്മാര്ട്ട് ഫോണും കൂടെവെച്ചാണെന്ന് പഠനം. 41 ശതമാനം ഇന്ത്യക്കാര് കുളിമുറിയിലും ഫോണ് ഉപയോഗിക്കുന്നു. ഏഴു രാജ്യങ്ങളില്നിന്നുള്ള 7000 പേരില് മോട്ടൊറോള നടത്തിയ പഠനത്തിലാണ് ഈ കണ്ടത്തെല്. ആകെ 60 ശതമാനം പേര് ഫോണ് പിടിച്ചാണ് ഉറങ്ങാറുള്ളതെന്ന് പറഞ്ഞതില് ഇന്ത്യയാണ് മുന്പന്തിയിലുള്ളത്.
70 ശതമാനം പേര് ഫോണ് പിടിച്ചുറങ്ങുന്ന ചൈനയാണ് തൊട്ടുപിറകെ. 17 ശതമാനം പേര് കുളിക്കുമ്പോഴും ഫോണ് ഉപയോഗിക്കുന്നതായാണ് പ്രതികരിച്ചത്. പകുതിയിലധികം (54 ശതമാനം) ആളുകള് തീപിടിത്തമുണ്ടായാല് രക്ഷപ്പെടുമ്പോള് കൂടെയെടുക്കുന്ന ആദ്യ വസ്തു ഫോണായിരിക്കുമെന്നാണ് പറഞ്ഞത്. കൂട്ടുകാരോടുപോലും ചോദിക്കാത്ത കാര്യങ്ങള് സ്മാര്ട്ട് ഫോണുകളോട് ചോദിക്കാറുണ്ടെന്നാണ് 61 ശതമാനം ഇന്ത്യക്കാരും പ്രതികരിച്ചത്. ഇത് മൊത്തത്തില് 40 ശതമാനമാണ്. 22 ശതമാനം പേര് (35 ശതമാനം ഇന്ത്യക്കാര്) വാരാന്ത്യത്തില് ലൈംഗികബന്ധം ഒഴിവാക്കിയാലും മൊബൈല് ഫോണ് ഒഴിവാക്കില്ളെന്ന് അഭിപ്രായപ്പെട്ടു. അമേരിക്ക, ബ്രിട്ടന്, ഇന്ത്യ, ബ്രസീല്, ചൈന, സ്പെയിന്, മെക്സികോ എന്നീ ആറു രാജ്യങ്ങളിലാണ് ഓണ്ലൈന് സര്വേ നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.