ചൈനീസ് കമ്പനി സെഡ്ടിഇ (ZTE ) നൂബിയ ബ്രാന്ഡില് കമ്പനിയുടെ ഏറ്റവും കനംകുറഞ്ഞ സ്മാര്ട്ട്ഫോണുമായി ആളെപിടിക്കാനിറങ്ങി. സെഡ്ടിഇ നൂബിയ മൈ പ്രേഗ് (Nubia My Prague) എന്നാണ് പേര്. അഞ്ചര മില്ലീമീറ്ററാണ് കനം. രണ്ട് ജി.ബി റാം പതിപ്പിന് യൂറോപ്പില് ഏകദേശം 26,600 രൂപയും മൂന്ന് ജി.ബി റാമിന് 30,200 രൂപയുമാണ് വില. ഇരട്ട സിമ്മുള്ള ഇതില് ആന്ഡ്രോയിഡ് 5.0 ലോലിപോപ് ഒ.എസാണ്. റാം അടിസ്ഥാനമാക്കി രണ്ട് ജി.ബി റാമില് 16 ജി.ബിയും മൂന്ന് ജി.ബി റാമുള്ളതിന് 32 ജി.ബിയുമാണ് ഇന്േറണല് മെമ്മറി. 1080x 1920 പിക്സല് ഫുള് എച്ച്.ഡി റസലൂഷനുള്ള 5.2 ഇഞ്ച് സൂപ്പര് അമോലെഡ് ഡിസ്പ്ളേ, 64 ബിറ്റ് എട്ടുകോര് സ്നാപ്ഡ്രാഗണ് 615 പ്രോസസര്, ഫോര്ജി എല്ടിഇ, എല്ഇഡി ഫ്ളാഷുള്ള 13 മെഗാപിക്സല് പിന്കാമറ, എട്ട് മെഗാപിക്സല് മുന്കാമറ, 27 മണിക്കൂര് നില്ക്കുന്ന 2200 എം.എ.എച്ച് ബാറ്ററി, ബ്ളൂടൂത്ത് 4.0, വൈ ഫൈ, ജി.പി.എസ്, യുഎസ്ബി ഒടിജി എന്നിവയാണ് പ്രത്യേകതകള്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.