ടോക്യോ ഒളിമ്പിക്സിൽ പുരുഷ വിഭാഗം അെമ്പയ്ത്തിന്‍റെ ടീം ഇനത്തിൽ ഇന്ത്യ ക്വാർട്ടർ ഫൈനലിൽ തോറ്റു. പ്രവീൺ ജാദവ്, അതാനു ദാസ്, തരുൺദീപ് റായ് ത്രയം കരുത്തരായ ദക്ഷിണ കൊറിയയോടാണ് പരാജയപ്പെട്ടത്.
കിം ജേ ഡിയോക്, കിം വൂജിൻ, ഓ ജിൻഹിയേക് എന്നിവർ അണിനിരന്ന കൊറിയൻ ടീം 6-0ത്തിനാണ് ഇന്ത്യയെ തകർത്തത്. കസാഖ്സ്ഥാനെ തോൽപിച്ചായിരുന്നു ഇന്ത്യയുടെ ക്വാർട്ടർ പ്രവേശനം.
പുരുഷ വിഭാഗം സിംഗിൾസ് ടെന്നിസിൽ ഇന്ത്യൻ താരം സുമിത് നഗൽ രണ്ടാം റൗണ്ടിൽ പുറത്തായി. രണ്ടാം സീഡായ റഷ്യയുടെ ഡാനിൽ മെദ്വദേവിനോട് 6-2, 6-1നാണ് നഗൽ തോറ്റത്. ശനിയാഴ്ച ഡെനിസ് ഇസ്റ്റോമിനിനെ തോൽപിച്ചാണ് നഗൽ രണ്ടാം റൗണ്ടിലെത്തിയത്. ലിയാണ്ടർ പേസിന് ശേഷം ഒളിമ്പിക്സിൽ പുരുഷ വിഭാഗം സിംഗിൾസ് മത്സരം വിജയിക്കുന്ന ആദ്യ താരമായി നഗൽ മാറി.
ഞായറാഴ്ച വനിത വിഭാഗം ഡബിൾസിൽ സാനിയ മിർസ-അങ്കിത റെയ്ന സഖ്യം ഒന്നാം റൗണ്ടിൽ തോറ്റുപുറത്തായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.