ടോക്യാ: ഒളിമ്പിക് ഹോക്കിയിൽ ഇന്ത്യൻ വനിതകൾക്ക് ആദ്യ ജയം. നിർണായക മത്സരത്തിൽ അയർലൻഡിനെ ഏകപക്ഷീയമായ ഒരുഗോളിന് തോൽപിച്ചാണ് ഇന്ത്യ ക്വാർട്ടർ പ്രതീക്ഷ നിലനിർത്തിയത്. 57ാം മിനിറ്റിൽ നവനീതാണ് ഇന്ത്യയുടെ ഏക ഗോൾ നേടിയത്.
ജയത്തോടെ അഞ്ചാം സ്ഥാനത്തേക്കുയർന്ന ഇന്ത്യക്ക് ഒരു ജയം കൂടി അനിവാര്യമാണ്. കളിച്ച നാല് മത്സരങ്ങളും തോറ്റ ദക്ഷിണാഫ്രിക്കയാണ് നാളെ ഇന്ത്യയുടെ എതിരാളി.
നാല് മത്സരങ്ങളിൽ നിന്ന് നാലും ജയിച്ച നെതർലൻഡ്സും ജർമനിയും ക്വാർട്ടറിലെത്തി. നാല് കളികളിൽ നിന്ന് ആറ് പോയിന്‍റുള്ള ബ്രിട്ടൻ, മൂന്ന് പോയിന്‍റുകൾ വീതമുള്ള ഇന്ത്യ, അയർലൻഡ് എന്നീ ടീമുകളാണ് ശേഷിക്കുന്ന ക്വാർട്ടർ ബെർത്തുകൾക്കായി പോരാടുന്നത്. ആദ്യ നാല് സ്ഥാനക്കാരാണ് ക്വാർട്ടറിലെത്തുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.