മാഡ്രിഡ്: പിന്നില്‍ നിന്ന ശേഷം തിരിച്ചടിച്ച് ബാഴ്‌സലോണയുടെ വിജയം(3-2). റയോ വല്ലക്കാനോക്കെതിരെ 2-1ന് പിന്നില്‍ നിന്ന ശേഷമാണ് ബാഴ്സ വിജയം കൈവരിച്ചത്. ഇരട്ടഗോള്‍ നേടിയ സുവാരസ് ആണ് ബാഴ്സയുടെ വിജയശിൽപി.11, 90 മിനിറ്റുകളില്‍ സുവാരസ്, 87-ാം മിനിറ്റില്‍ ഒസ്മാന്‍ ഡെംബാല എന്നിവരാണ് ബാഴ്‌സക്കായി ഗോളടിച്ചത്. 35-ാം മിനിറ്റില്‍ പോസോയിലൂടെ സമനില കണ്ടെത്തിയ റയോ വല്ലെകാനോ 57-ാം മിനിറ്റില്‍ ആല്‍വാരോ ഗാര്‍ഷ്യ റിവേര നേടിയ ഗോളിലൂടെ ലീഡെടുക്കുകയായിരുന്നു.
അവസാന ഏഴ് മിനിറ്റിനിടയില്‍ നേടിയ രണ്ട് ഗോളിൽ ലാ ലിഗയില്‍ റയല്‍ മാഡ്രിഡും വിജയവഴിയില്‍ തിരിച്ചെത്തി. റയല്‍ വല്ലഡോലിഡിനെതിരെയാണ് റയൽ വിജയിച്ചത്. 83-ാം മിനിറ്റില്‍ വിനീഷ്യസ് ജൂനിയർ ആണ് റയലിന്റെ ആദ്യ ഗോള്‍ നേടിയത്. 88-ാം മിനിറ്റില്‍ പെനാല്‍റ്റിയിലൂടെ സെര്‍ജിയോ റാമോസ് ലീഡുയർത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.