ബാഴ്സലോണ: ഫ്രഞ്ച് സ്ട്രൈക്കർ അേൻറാണിയോ ഗ്രീസ്മാൻ സ്പാനിഷ് ക്ലബ് ബാഴ്സലോണയിൽ. 926 കോടി രൂപക്കാണ് അത്ലറ്റികോ മാഡ്രിഡിൽ നിന്ന് ഗ്രീസ്മാനെ ബാഴ്സ റാഞ്ചിയത്. അഞ്ച് വർഷത്തേക്കാണ് കരാർ. 2024 ജൂൺ 30 വരെ ഗ്രീസ് മാൻ ബാഴ്സയിൽ തുടരും.
ക്ലബ് മാറുന്നതിൻെറ ഭാഗമായി അത്ലറ്റിക്കോയുടെ പ്രീ-സീസൺ ടൂർണമെൻറുകളിൽ ഗ്രീസ്മാൻ കളിച്ചിരുന്നില്ല. കഴിഞ്ഞ സീസണിൽ തന്നെ ക്ലബ് മാറാൻ ഗ്രീസ്മാൻ താൽപര്യം പ്രകടിപ്പിച്ചിരുന്നു. എന്നാൽ അത്ലറ്റികോ മാഡ്രിഡ് ടീം മാനേജ്മെൻറിൻെറ അഭ്യർഥനയെ തുടർന്ന് ഒരു സീസണിൽ കൂടി ക്ലബിൽ തുടരുകയായിരുന്നു.
റയൽ സൊസൈദാദിൽ നിന്ന് 2014ലാണ് ഗ്രീസ്മാൻ അത്ലറ്റികോ മാഡ്രിഡിൽ എത്തുന്നത്. 2017ലെ യൂറോപ്പ ലീഗ് കിരീടം അത്ലറ്റിക്കോക്ക് നേടിക്കൊടുക്കുന്നതിൽ ഗ്രീസ്മാൻ മുഖ്യ പങ്ക് വഹിച്ചു. അത്ലറ്റിക്കോക്കായി 255 മൽസരങ്ങൾ കളിച്ചിട്ടുള്ള ഗ്രീസ്മാൻ 133 ഗോളുകൾ നേടിയിട്ടുണ്ട്. മെസിക്കൊപ്പം ഗ്രീസ്മാൻ കൂടി എത്തുന്നതോടെ ബാഴ്സലോണയുടെ മുന്നേറ്റനിര ഒന്നു കൂടി ശക്തമാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.