നോട്ടിങ്ഹാം: ഇന്ത്യക്കെതിരായ മൂന്നാം ക്രിക്കറ്റ് ടെസ്റ്റിൽ ഇംഗ്ലണ്ടിന് 521 റൺസ് വിജയലക്ഷ്യം. രണ്ടാം ഇന്നിങ്സ് ഏഴിന് 352 റൺസ് എന്ന നിലയിൽ ഇന്ത്യ ഡിക്ലയർ ചെയ്തു. സെഞ്ച്വറി നേടിയ ക്യാപ്റ്റൻ വിരാട് കോഹ്ലി(103)യുടെയും അർധസെഞ്ച്വറികൾ നേടിയ ചേതശ്വർ പൂജാര(72) ഹാർദിക് പാണ്ഡ്യ(52) എന്നിവരുടെ ഇന്നിങ്സുകളാണ് ഇന്ത്യക്ക് കരുത്തായത്. ഇംഗ്ലീഷ് നിരയിൽ റാഷിദ് മൂന്ന് വിക്കറ്റ് സ്വന്തമാക്കി.
നേരത്തെ ഇന്ത്യയുടെ ഒന്നാം ഇന്നിങ്സ് സ്കോറായ 357 റൺസ് പിന്തുടർന്നിറങ്ങിയ ഇംഗ്ലണ്ട് 161 റൺസിന് വീണിരുന്നു. ഹാർദ്ദിക് പാണ്ഡ്യയുടെ അഞ്ച് വിക്കറ്റ് നേട്ടമായിരുന്നു ഇന്ത്യയെ സഹായിച്ചത്. ആദ്യ രണ്ട് ടെസ്റ്റുകളിലേറ്റ പരാജയത്തിന് മറുപടി നൽകാനാണ് നോട്ടിങ്ഹാമിൽ ഇന്ത്യ ലക്ഷ്യമിടുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.