ന്യൂഡൽഹി: ഇന്ത്യ ആതിഥ്യമരുളിയ ലോക ബാഡ്മിന്റൺ ചാമ്പ്യൻഷിപ് സമാപിച്ചു. പുരുഷ സിംഗ്ൾസ് ഫൈനലിൽ ഫ്രാൻസിന്റെ അലക്സ് ലാനിയർ ജപ്പാന്റെ കൊദായ് നരോക്കയെ (21-11, 21-11) തോൽപിച്ച് ചാമ്പ്യനായി. വനിതാ സിംഗ്ൾസിൽ ദക്ഷിണ കൊറിയയുടെ അൻ സെ-യങ് ജപ്പാന്റെ അകാനെ യമാഗുച്ചിയെ (21-17, 21-14) പരാജയപ്പെടുത്തി തുടർച്ചയായ രണ്ടാം തവണയും ലോക ചാമ്പ്യൻപട്ടം നിലനിർത്തി.
പുരുഷ ഡബ്ൾസിൽ ചൈനയുടെ ലിയാങ് വെയ്കെങ് - വാങ് ചാങ് സഖ്യം മലേഷ്യയുടെ ആരോൺ ചിയ - സോ വൂയ് യിക് ജോടിയെ (21-17, 21-16) വീഴ്ത്തി സ്വർണം നേടിയപ്പോൾ വനിതകളിൽ ദക്ഷിണ കൊറിയയുടെ ബേക്ക് ഹാ-നാ - ലീ സോ-ഹീ സഖ്യം ചൈനയുടെ ലിയു ഷെങ്ഷു - താൻ നിങ് ജോടിയെ (21-15, 21-15) പരാജയപ്പെടുത്തി ജേതാക്കളായി. മിക്സഡ് ഡബ്ൾസിൽ ഫ്രാൻസിന്റെ തോം ജിക്വൽ - ഡെൽഫിൻ ഡെൽറൂ കൂട്ടുകെട്ട് ചൈനയുടെ ഫെങ് യാൻഷെ - ഹുവാങ് ഡോങ്പിങ് സഖ്യത്തെ അട്ടിമറിച്ച് (22-20, 19-21, 21-15) കിരീടം നേടി. വനിതാ ഡബ്ൾസിൽ മലയാളി താരം ട്രീസ ജോളി - ഗായത്രി ഗോപിചന്ദ് ജോടി വെങ്കലം സ്വന്തമാക്കിയതാണ് ഇന്ത്യയുടെ ഏക നേട്ടം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.