ലിസ്ബൺ: ലോകകപ്പിന് മൂന്നുനാൾ മാത്രം ബാക്കിനിൽക്കെ സൂപർ താരം ക്രിസ്റ്റ്യാനോ റൊണാൾഡോക്ക് ശാരീരികാസ്വാസ്ഥ്യം. വയറുവേദനയെ തുടർന്ന് ബുധനാഴ്ച പരിശീലനത്തിൽനിന്ന് വിട്ടുനിന്ന താരം വ്യാഴാഴ്ച നൈജീരിയക്കെതിരായ സന്നാഹ മത്സരത്തിലും ഇറങ്ങിയേക്കില്ലെന്നാണ് സൂചന.
മാഞ്ചസ്റ്റർ യുനൈറ്റഡ്, കോച്ച് ടെൻ ഹാഗ് എന്നിവർക്കെതിരെ ദിവസങ്ങൾക്ക് മുമ്പ് ക്രിസ്റ്റ്യാനോ നടത്തിയ ഞെട്ടിപ്പിക്കുന്ന വെളിപ്പെടുത്തലുകൾക്കു പിന്നാലെയാണ് കായിക ലോകം. തന്നെ ക്ലബ് ചതിച്ചെന്നും കരിങ്കാലിയാക്കി മാറ്റിയെന്നതുമുൾപ്പെടെ വിമർശനങ്ങളായിരുന്നു ക്രിസ്റ്റ്യാനോ ഉന്നയിച്ചത്. 90 മിനിറ്റു നീണ്ട അഭിമുഖത്തിന്റെ ക്ലിപ്പുകൾ സമൂഹ മാധ്യമങ്ങളിൽ വൈറലാണ്.
പ്രിമിയർ ലീഗ് ക്ലബിനെതിരായ പരാമർശങ്ങൾക്കു പിന്നാലെ ദേശീയ ടീമിലെ ബ്രൂണോ ഫെർണാണ്ടസ്, ജൊആവോ കാൻസലോ എന്നിവരുമായും പ്രശ്നങ്ങളുണ്ടെന്ന വാർത്തകൾ പുറത്തുവന്നിരുന്നു. യുനൈറ്റഡിലും സഹതാരമാണ് ബ്രൂണോ.
ഒരാഴ്ച കഴിഞ്ഞ് ഘാനക്കെതിരെയാണ് പോർച്ചുഗലിന്റെ ആദ്യ ലോകകപ്പ് മത്സരം. ഗ്രൂപ് എച്ചിൽ ഉറുഗ്വായ്, ദക്ഷിണ കൊറിയ ടീമുകളാണ് മറ്റു എതിരാളികൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.