ടൂറിൻ: സൂപ്പർ താരം ക്രിസ്റ്റ്യാനോ റൊണാൾഡോയെ ഈ സീസണിലെ സീരി എ ആദ്യ മത്സരത്തിൽ ആദ്യ ഇലവനിൽ ഉൾപ്പെടുത്താതെ 'അവഹേളി'ച്ചതായിരുന്നു യുവന്‍റസിന്‍റെ പുതിയ കോച്ച് മാസിമിലിയാനോ അലെഗ്രി. ക്രിസ്റ്റ്യാനോ റൊണാൾഡോ വന്നതോടെയാണ് യുവൻറസിന്‍റെ ബാലൻസ് തെറ്റിയതെന്നും ടീം മാനേജ്മെന്‍റിൽ നിന്നും വിമർശനവും ഉയർന്നു.
ഒടുവിൽ തന്‍റെ സേവനം ടൂറിനിൽ മിതിയായെന്ന് മനസ്സിലാക്കിയ സൂപ്പർ താരം അവിടം വിട്ട് എല്ലാമെല്ലാമായ മാഞ്ചസ്റ്റർ യുനൈറ്റഡിലേക്ക് ചേക്കേറി. പക്ഷേ, ക്രിസ്റ്റ്യാനോ പോയിട്ടും യുവന്‍റസിൽ കാര്യങ്ങളൊന്നും ശരിയായില്ല. കഴിഞ്ഞ ദിവസം നാപോളിക്കെതിരെയും ടീം തോറ്റു(2-1). മൂന്ന് മത്സരങ്ങളിൽ ടീമിന്‍റെ രണ്ടാം തോൽവി. ഒരു പോയന്‍റ് മാത്രമുള്ള യുവന്‍റസ് ഇപ്പോൾ 14ാം സ്ഥാനത്താണ്.
നാപോളിക്കെതിരെ പത്താം മിനിറ്റിൽ അൽവാരോ മൊറാറ്റ ഗോളടിച്ചു തുടങ്ങിയിട്ടും യുവന്‍റസിന് കളി ജയിക്കാനായില്ല. മാറ്റിയോ പൊളിറ്റാനോ(57), കലീദോ കൗലീബലി (85) എന്നിവരാണ് നാപോളിക്കായി ഗോളുകൾ തിരിച്ചടിച്ചത്. നാപോളി നിലവിൽ ഒന്നാം സ്ഥാനത്താണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.