അർജൻറീനയുടെ സൂപ്പർ താരം ലണയൽ മെസ്സി ബാഴ്‌സലോണ വിടുമെന്ന് ഏറെക്കുറെ ഉറപ്പായി. സൂപ്പർ താരത്തെ സ്വന്തമാക്കാൻ ഇഷ്ടമില്ലാത്ത ഫുട്ബാൾ ക്ലബുകൾ ഈ ലോകത്തുണ്ടാവില്ല. പക്ഷേ, മൂല്യമേറിയ ആ പ്രതിഭയെ വിട്ടുകിട്ടാൻ ആവശ്യമായ തുകയാണ് പ്രശ്നം. നൂറും ഇരുന്നൂറം കോടിയല്ല. ഏകദേശം 6139 കോടി രൂപ. അതായത് 700 മില്ല്യൺ യൂറോയാണ് മെസ്സിയെ വിട്ടു കിട്ടാനായി ബാഴ്സലോണക്ക് കൊടുക്കേണ്ടത്. ഇൗ തുക ഒഴിവാക്കി ഫ്രീ ട്രാൻസ്ഫർ അനുവദിക്കണമെന്ന് മെസ്സി ബാഴ്‌സലോണ മാനേജ്മെൻറിനോട് ആവശ്യപ്പെട്ടിട്ടുണ്ട്.
Barça legends leaves the club with bitterness because of the dirty politics and incompetence of @jmbartomeu and Sandro Rosell:
— The Pep (@GuardiolaTweets) August 25, 2020
Pep Guardiola
Victor Valdez
Dani Alves
And now :
LEO MESSI pic.twitter.com/vfYSEWXdHL
എണ്ണപ്പണക്കാരായ മാഞ്ചസ്റ്റർ സിറ്റി, പി.എസ്.ജി ക്ലബുകളും മാഞ്ചസ്റ്റർ യുനൈറ്റഡ്, യുവൻറസ്, ഇൻറർ മിലാൻ, ചെൽസി ക്ലബുകളുമാണ് താരത്തിന് പിന്നിലുള്ളത്. വരുമാനത്തിൽ യൂറോപ്പിൽ മുന്നിലുള്ള ക്ലബുകളാണിവർ. ഇവരിൽ തന്നെ ഏറ്റവും സാധ്യത മെസ്സിയെ മെസ്സിയാക്കിയ കോച്ച് പെപ്പ് ഗ്വാർഡിയോളയുടെ മാഞ്ചസ്റ്റർ സിറ്റിയിലേക്കാണ്.
ക്ലോസിങ് തുകക്ക് പുറമെ, നിലവിൽ അർജൻറീനൻ താരം വാങ്ങുന്ന പ്രതിഫലം കൂടി നൽകാൻ സാമ്പത്തിക ശേഷിയുള്ള ക്ലബുകൾ മാത്രമെ താരത്തെ സ്വന്താമാക്കാൻ രംഗത്തുള്ളൂ. 64 മില്ല്യൺ പൗണ്ടാണ് (ഏകദേശം 627 കോടി രൂപ) മെസ്സി ബാഴ്സലോണയിൽ നിന്നു വാങ്ങുന്ന വാർഷിക പ്രതിഫലം.
He arrived to Barcelona as a young kid with dreams of titles and making history.
— mx (Messi FC) (@MessiMX10i) August 25, 2020
He won titles and made history.
He had dreams of becoming a legend and finishing his career at Barça.
He became a legend, but one man ruined his one last dream..
Thank you, Lionel Messi ❤️ pic.twitter.com/YMnS5LbuEo
ബയേൺ മ്യൂണിക്കിനെതിരെ ഞെട്ടിക്കുന്ന തോൽവി ബാഴ്‌സലോണ വഴങ്ങിയതിനു പിന്നാലെയാണ് സൂപ്പർ താരത്തിന് കറ്റാലൻ ക്ലബ് മടുത്തെന്ന വാർത്ത ഫുട്ബാൾ ലോകത്ത് പ്രചരിക്കുന്നത്. എല്ലാ വർഷവും താരത്തിൻെറ ട്രാൻസ്ഫർ വാർത്തകൾ പ്രചരിക്കാറുണ്ടെങ്കിലും ഇത്തവണ അങ്ങനെയല്ല. അർജൻറീനിയൻ താരം ബാഴ്‌സയിൽ തന്നെ വിരമിക്കുമെന്ന് ആരാധകർ തറപ്പിച്ച് പറഞ്ഞിരുന്നെങ്കിലും ഇപ്പോൾ അക്കാര്യത്തിൽ യാതൊരു ഉറപ്പും ആർക്കും നൽകാനാവില്ല. ക്ലബ് പ്രസിഡൻറ് ജോസഫ് മാരിയ ബർത്തോമിയോയുടെ നിലപാടുകളും മെസ്സിയെ ചൊടിപ്പിച്ചിരുന്നു. മെസ്സിയുടെ അടുത്ത സുഹൃത്ത് ലൂയിസ് സുവാരസിനോട് ക്ലബ് വിടാൻ ആവശ്യപ്പെട്ടതും മെസ്സി മറ്റൊരു തട്ടകം ആലോചിക്കാൻ കാരണമായിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.