ഇ​ന്ത്യ​ൻ വ​നി​ത ലീ​ഗ്: സേ​തു എ​ഫ്.​സി​യെ വീ​ഴ്ത്തി ഗോ​കു​ല​ത്തി​ന് തു​ട​ർ​ച്ച​യാ​യ ര​ണ്ടാം കി​രീ​ടം

ഭു​വ​നേ​ശ്വ​ര്‍: ഐ ​ലീ​ഗി​ന് പി​ന്നാ​ലെ ഇ​ന്ത്യ​ൻ വ​നി​ത ലീ​ഗി​ൽ ഗോ​കു​ലം കേ​ര​ള എ​ഫ്.​സി​യു​ടെ വി​ജ​യ​ഗാ​ഥ. ക​ലിം​ഗ സ്റ്റേ​ഡി​യ​ത്തി​ൽ സേ​തു എ​ഫ്.​സി​യെ ഒ​ന്നി​നെ​തി​രെ മൂ​ന്ന് ഗോ​ളി​ന് തോ​ൽ​പി​ച്ചാ​ണ് അ​പ​രാ​ജി​ത യാ​ത്ര കി​രീ​ട​ത്തോ​ടെ പൂ​ർ​ത്തി​യാ​ക്കി​യ​ത്. 11ാം മ​ത്സ​ര​ത്തി​ൽ സ​മ​നി​ല മ​തി​യാ​യി​രു​ന്നു ഗോ​കു​ല​ത്തി​ന്. തു​ട​ക്ക​ത്തി​ൽ ഒ​രു ഗോ​ളി​ന് പി​റ​കി​ൽ​നി​ന്ന ശേ​ഷം മൂ​ന്നെ​ണ്ണം തി​രി​ച്ച​ടി​ച്ചാ​ണ് കി​രീ​ട​ധാ​ര​ണം.

പു​രു​ഷ ടീം ​തു​ട​ർ​ച്ച​യാ​യി ര​ണ്ടാം ത​വ​ണ​യും ഐ ​ലീ​ഗ് ജേ​താ​ക്ക​ളാ​യ​തി​ന് സ​മാ​ന​മാ​യ നേ​ട്ടം വ​നി​ത​ക​ളും സ്വ​ന്ത​മാ​ക്കി. മൂ​ന്നാം മി​നി​റ്റി​ൽ രേ​ണു റാ​ണി​യി​ലൂ​ടെ​യാ​ണ് സേ​തു മു​ന്നി​ലെ​ത്തി​യ​ത്. ആ​ദ്യ പ​കു​തി​യി​ൽ​ത്ത​ന്നെ പെ​ന​ൽ​റ്റി​യി​ലൂ​ടെ ആ​ശാ​ല​ത ദേ​വി (14, തു​ട​ർ​ന്ന് എ​ല്‍ഷ​ദാ​യ് അ​ചെ​ങ്‌​പോ (33), മ​നീ​ഷ ക​ല്യാ​ണ്‍ (40) എ​ന്നി​വ​ർ ഗോ​കു​ല​ത്തി​ന് വേ​ണ്ടി സ്കോ​ർ ചെ​യ്ത് വി​ജ​യം ഉ​റ​പ്പാ​ക്കി.10 ക​ളി​യും ജ​യി​ച്ച് 30 പോ​യ​ൻ​റു​മാ​യി ഗോ​കു​ല​ത്തി​നൊ​പ്പ​മാ​യി​രു​ന്നു ത​മി​ഴ്നാ​ട്ടു​കാ​രാ​യ സേ​തു എ​ഫ്.​സി​യും. എ​ന്നാ​ൽ, ഗോ​ൾ ശ​രാ​ശ​രി​യി​ൽ പി​റ​കി​ലാ​യ​തി​നാ​ൽ അ​വ​ർ​ക്ക് ജ​യം അ​നി​വാ​ര്യ​മാ​യി​രു​ന്നു.

മ​ത്സ​രം ആ​രം​ഭി​ച്ച് മൂ​ന്നാം മി​നി​റ്റി​ൽ​ത്ത​ന്നെ രേ​ണു റാ​ണി​യു​ടെ ഹെ​ഡ​ർ ഗോ​കു​ലം വ​ല​യി​ൽ പ​തി​ച്ചു. പി​റ​കി​ലാ​യ​തോ​ടെ കേ​ര​ള സം​ഘം ആ​ക്ര​മ​ണം ശ​ക്ത​മാ​ക്കി. എ​ൽ​ഷ​ദാ​യി​യെ വീ​ഴ്ത്തി​യ​തി​ന് 14ാം മി​നി​റ്റി​ൽ കി​ട്ടി​യ പെ​ന​ൽ​റ്റി ആ​ശാ​ല​ത ദേ​വി ല​ക്ഷ്യ​ത്തി​ൽ എ​ത്തി​ച്ചു.

33ാം മി​നി​റ്റി​ൽ എ​ൽ​ഷ​ദാ​യി​യി​ലൂ​ടെ ഗോ​കു​ലം ലീ​ഡ് എ​ടു​ത്തു. മ​നീ​ഷ​യു​ടെ പാ​സി​ൽ​നി​ന്നാ​ണ് എ​ൽ​ഷ​ദാ​യി​യു​ടെ ഗോ​ൾ പി​റ​ന്ന​ത്.

40ാം മി​നി​റ്റി​ൽ മ​നീ​ഷ ക​ല്യാ​ണും സ്കോ​ർ ചെ​യ്ത​തോ​ടെ ഗോ​കു​ലം കി​രീ​ടം ഏ​റ​ക്കു​റെ ഉ​റ​പ്പി​ച്ചു. 11 മ​ത്സ​ര​ത്തി​ല്‍നി​ന്ന് 33 പോ​യ​ന്റു​ണ്ട് ഗോ​കു​ല​ത്തി​ന്. 30 പോ​യ​ന്റു​മാ​യി സേ​തു ര​ണ്ടാ​മ​തെ​ത്തി. ആ​കെ 66 ഗോ​ളു​ക​ൾ അ​ടി​ച്ച ഗോ​കു​ലം നാ​ലെ​ണ്ണം മാ​ത്ര​മാ​ണ് വ​ഴ​ങ്ങി​യ​ത്. ഏ​ഷ്യ​ൻ ക്ല​ബ് ചാ​മ്പ്യ​ൻ​ഷി​പ്പി​ൽ ക​ളി​ക്കാ​നും ഗോ​കു​ലം യോ​ഗ്യ​ത നേ​ടി.