ഐ ​ലീ​ഗ്: ഗോകുലം ഇന്ന് നാം​ധാ​രി​ക്കെ​തി​രെ

കോ​ഴി​ക്കോ​ട്: ഐ ​ലീ​ഗ് മ​ത്സ​ര​ത്തി​ൽ ഗോ​കു​ലം കേ​ര​ള വെ​ള്ളി​യാ​ഴ്ച നാം​ധാ​രി​ എഫ്.സിക്കെ​തി​രെ മ​ത്സ​ര​ത്തി​നി​റ​ങ്ങും. തു​ട​ർ​ച്ച​യാ​യ ര​ണ്ട് എ​വേ മ​ത്സ​ര​ത്തി​ലെ ജ​യ​ങ്ങ​ൾ​ക്കു​ശേ​ഷ​മാ​ണ് നാ​ലാം സ്ഥാ​ന​ത്തു​ള്ള ഗോ​കു​ലം കേ​ര​ള പ​ട്ടി​ക​യി​ൽ ര​ണ്ടാം സ്ഥാ​ന​ത്തു​ള്ള നാം​ധാ​രി​ക്കെ​തി​രെ സ്വ​ന്തം ത​ട്ട​ക​മാ​യ കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ ജ​യം​തേ​ടി​യി​റ​ങ്ങു​ന്ന​ത്.

ക​ളി​ച്ച എ​ട്ടു​ക​ളി​യി​ൽ മൂ​ന്നു ജ​യ​വും നാ​ലു സ​മ​നി​ല​യും ഒ​രു തോ​ൽ​വി​യു​മാ​യി 13 പോ​യ​ന്റാ​ണ് ഗോ​കു​ല​ത്തി​നു​ള്ള​ത്. എ​ട്ടു മ​ത്സ​ര​ത്തി​ൽ നാ​ലു ജ​യ​വും ര​ണ്ടു സ​മ​നി​ല​യും ര​ണ്ടു തോ​ൽ​വി​യു​മാ​യി 14 പോ​യ​ന്റാ​ണ് പ​ഞ്ചാ​ബി​ൽ​നി​ന്നു​ള്ള നാം​ധാ​രി​ക്കു​ള്ള​ത്. അ​വ​സാ​ന മ​ത്സ​ര​ത്തി​ൽ ഗോ​വ​യി​ൽ​നി​ന്നു​ള്ള ഡെം​പോ എ​ഫ്.​സി​യെ തോ​ൽ​പി​ച്ച​തി​ന്റെ ആ​ത്മി​വി​ശ്വാ​സം മ​ല​ബാ​റി​യ​ൻ​സി​ന് ചെ​റു​ത​ല്ലാ​ത്ത ആ​ശ്വാ​സം പ​ക​രു​ന്നു​ണ്ട്. മു​ന്നേ​റ്റ​ത്തി​ലു​ണ്ടാ​യി​രു​ന്ന ഗോ​ൾ വ​ര​ൾ​ച്ച​ക്ക് പ​രി​ഹാ​രം ക​ണ്ട​തി​ന്റെ ആ​ത്മ​വി​ശ്വാ​സ​വും ടീ​മി​നു​ണ്ട്. അ​വ​സാ​ന​മാ​യി ന​ട​ന്ന ര​ണ്ട് എ​വേ മ​ത്സ​ര​ത്തി​ൽ​നി​ന്ന് ആ​റു ഗോ​ളു​ക​ളാ​ണ് ഗോ​കു​ലം നേ​ടി​യ​ത്. ഒ​രു ഗോ​ൾ പോ​ലും വ​ഴ​ങ്ങു​ക​യും ചെ​യ്തി​ട്ടി​ല്ല. ക​ഴി​ഞ്ഞ മ​ത്സ​ര​ത്തി​ൽ മ​ല​ബാ​റി​യ​ൻ​സി​നാ​യി ക​ള​ത്തി​ലി​റ​ങ്ങി​യ അ​തേ ടീ​മി​നെ​ത്ത​ന്നെ​യാ​കും നാം​ധാ​രി​ക്കെ​തി​രെ​യും അ​ണി​നി​ര​ത്തു​ക. ‘ അ​വ​സാ​ന ര​ണ്ട് മ​ത്സ​ര​ത്തി​ലെ ജ​യം ടീ​മി​ന് ചെ​റു​ത​ല്ലാ​ത്ത ആ​ത്മി​വ​ശ്വാ​സം ന​ൽ​കി​യി​ട്ടു​ണ്ട്. താ​ര​ങ്ങ​ൾ​ക്കെ​ല്ലാം ഒ​ത്തി​ണ​ക്ക​മെ​ത്തി​യെ​ന്ന​ത് ടീ​മി​ന്റെ വ​ലി​യ ക​രു​ത്താ​യാ​ണ് കാ​ണു​ന്ന​തെ​ന്ന് മു​ഖ്യ പ​രി​ശീ​ല​ക​ൻ അ​ന്റോ​ണി​യ റു​വേ​ഡ വ്യ​ക്ത​മാ​ക്കി.