മത്സരത്തിനിടെ ലിവർപൂൾ ഡിഫൻഡർ വിർജിൽ വാൻ ഡൈക്കിന്റെ ജഴ്സി പിടിച്ചുവലിക്കുന്ന ചെൽസി സ്ട്രൈക്കർ ജാവോ പെഡ്രോ
ലണ്ടൻ: ഇംഗ്ലീഷ് പ്രീമിയർ ലീഗ് മത്സരത്തിൽ ചെൽസിയുമായി സമനിലയിൽ പിരിഞ്ഞെങ്കിലും ചാമ്പ്യൻസ് ലീഗ് യോഗ്യതാ സാധ്യത സജീവമാക്കി ലിവർപൂൾ. ചെമ്പടയുടെ തട്ടകമായ ആൻഫീൽഡ് സ്റ്റേഡിയത്തിൽ നടന്ന മത്സരത്തിൽ ഇരു ടീമും ഓരോ ഗോൾ നേടി. അതേസമയം, മാഞ്ചസ്റ്റർ യുനൈറ്റഡിനെ സണ്ടർലൻഡ് ഗോൾരഹിത സമനിലയിൽ തളച്ചു.
ആറാം മിനിറ്റിൽത്തന്നെ റയാൻ ഗ്രാവൻബെർചിലൂടെ മുന്നിലെത്തിയിരുന്നു ലിവർപൂൾ. 35ാം മിനിറ്റിൽ ചെൽസിക്കായി അർജന്റീന താരം എൻസോ ഫെർണാണ്ടസ് ഗോൾ മടക്കി. രണ്ടാം പകുതിയിൽ ഇരുടീമും വല ചലിപ്പിച്ചെങ്കിലും ഓഫ് സൈഡിൽ കുടുങ്ങി. 36 മത്സരങ്ങളിൽ 65 പോയന്റുമായി മൂന്നാംസ്ഥാനത്തുണ്ട് യുനൈറ്റഡ്. 59 പോയന്റുമായി നാലാംസ്ഥാനത്ത് തുടരുകയാണ് ലിവർപൂൾ. സാധ്യതകളിൽനിന്ന് എന്നേ പുറത്തായ ചെൽസി 49 പോയന്റുമായി ഒമ്പതാമതും. ആദ്യ അഞ്ച് സ്ഥാനക്കാർക്കാണ് ചാമ്പ്യൻസ് ലീഗ് പ്രവേശനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.