Posted On
date_range Updated On
date_range ഇറ്റാലിയൻ കപ്പ്; വീണ്ടും അട്ടിമറിയുമായി ക്രെമോനീസ്; റോമയെ വീഴ്ത്തി സെമിയിൽ
മിലാൻ: സീരി എയിൽ ദയനീയ പ്രകടനങ്ങളുമായി താഴെത്തട്ടിലുള്ള ക്രെമോനീസ് ഇറ്റാലിയൻ കപ്പിൽ അട്ടിമറിഗാഥ തുടരുന്നു. കഴിഞ്ഞ റൗണ്ടിൽ കരുത്തരായ നാപോളിയെ വീഴ്ത്തിയ ക്രെമോനീസ് എ.എസ്. റോമയെയും മറിച്ച് സെമിഫൈനലിലേക്കു കുതിച്ചു. 1987നുശേഷം ടീമിന്റെ ആദ്യ സെമിപ്രവേശനമാണിത്.
സെമിയിൽ ഫിയറന്റീനയാണ് ക്രെമോനീസിന്റെ എതിരാളികൾ. മറ്റൊരു സെമിയിൽ നിലവിലെ ജേതാക്കളായ ഇന്റർ മിലാൻ യുവന്റസ്-ലാസിയോ മത്സരവിജയികളെ നേരിടും. ഹോസെ മൗറീന്യോയുടെ റോമക്കെതിരെ 2-1നായിരുന്നു ക്രെമോനീസിന്റെ വിജയം. സിറിയൽ ഡെസ്സേഴ്സ് (28) പെനാൽറ്റിയിലൂടെ ഗോൾ നേടിയപ്പോൾ മെഹ്മത് സെകി സെലിചിന്റെ (49) സെൽഫ് ഗോളും ടീമിന് തുണയായി. ആന്ദ്രിയ ബെല്ലോട്ടിയാണ് (90+4) റോമയുടെ ആശ്വാസഗോൾ നേടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.