ലണ്ടൻ: ഇംഗ്ലീഷ് പ്രീമിയർ ലീഗിൽ എവർട്ടന് വീണ്ടും സമനിലക്കുരക്ക്. ലീഗിലെ അവസാന സ്ഥാനക്കാരായ ബേൺലിയാണ് എവർട്ടനെ 1-1ന് സമനിലയിൽ തളച്ചത്.
കളി തുടങ്ങി മൂന്നാം മിനിറ്റിൽ റോബി ബ്രാഡി നേടിയ ഗോളിൽ ജയം പിടിക്കാനുള്ള കളിയാണ് അവസാനം വരെ ബേൺലി കളിച്ചത്. ബസ് പാർക്കിങ്ങുമായി എവർട്ടനെ അവർ വരിഞ്ഞു മുറുക്കി. റിച്ചാർലിസണും ഡൊമനിക് കാൾവർട്ട് ലൂയിനും ഹാമിഷ് റോഡ്രിഗസും ചേർന്ന വമ്പൻ മുന്നേറ്റ നിരക്ക് ഒന്നും ചെയ്യാനായില്ല. ഒടുവിൽ റിച്ചാർലിസൻെറ അസിസിസ്റ്റിൽ കാൾവർട്ട് ലൂയിന് ആദ്യ പകുതിക്ക് പിരിയാൻ നിമിഷങ്ങളിലിരിക്കെ ഗോൾ നേടി സമനില കണ്ടെത്തുകയായിരുന്നു.
ബസ് പാർക്കിങ് നയം രണ്ടാം പകുതിയും ബേൺലി തുടർന്നപ്പോൾ, ജയിക്കാനുള്ള എവർട്ടൻെറ ശ്രയം വിലപോയില്ല. ഇതോടെ കഴിഞ്ഞ അഞ്ചു മത്സരത്തിൽ ഒരു ജയം മാത്രമാണ് എവർട്ടനുണ്ടായത്. 17 പോയൻറുമായി എട്ടാം സ്ഥാനത്താണ് എവർട്ടൻ. ആറു പോയൻറുള്ള ബേൺലി 19ാം സ്ഥാനത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.