ഗൾഫ് ക്രിക്കറ്റ് പോരിന് ക്രീസുണരുന്നു

ദോ​ഹ: ഗ​ൾ​ഫ് മേ​ഖ​ല​യി​ലെ ആ​റ് രാ​ജ്യ​ങ്ങ​ൾ മാ​റ്റു​ര​ക്കു​ന്ന ട്വ​ന്റി20 ക്രി​ക്ക​റ്റ് ചാ​മ്പ്യ​ൻ​ഷി​പ്പി​ന് വെ​ള്ളി​യാ​ഴ്ച ഖ​ത്ത​റി​ന്റെ മ​ണ്ണി​ൽ ക്രീ​സു​ണ​രു​ന്നു. ഏ​ഷ്യ​ൻ ടൗ​ൺ ക്രി​ക്ക​റ്റ് സ്റ്റേ​ഡി​യ​ത്തി​ൽ ഇ​നി​യു​ള്ള ഒ​രാ​ഴ്ച​ക്കാ​ലം വീ​റു​റ്റ ക​ളി​യ​ങ്ക​ങ്ങ​ളു​ടെ നാ​ളു​ക​ൾ. ഫു​ട്ബാ​ളി​ലെ പ്ര​ഗ​ല്ഭ​രാ​യ ഗ​ൾ​ഫി​ലെ രാ​ജ്യ​ങ്ങ​ളെ​ല്ലാം പാ​ഡു​കെ​ട്ടി, ക്രീ​സി​ലെ​ത്തി സി​ക്സും ബൗ​ണ്ട​റി​യും​കൊ​ണ്ട് പു​തി​യ ആ​കാ​ശ​ങ്ങ​ൾ കീ​ഴ​ട​ക്കാ​നു​ള്ള ഒ​രു​ക്കം കൂ​ടി​യാ​ണ് ട്വ​ൻ​റി20 ചാ​മ്പ്യ​ൻ​ഷി​പ്.

വെ​ള്ളി​യാ​ഴ്ച ഉ​ദ്ഘാ​ട​ന ദി​ന​ത്തി​ൽ വൈ​കീ​ട്ട് നാ​ലി​ന് കു​വൈ​ത്ത് സൗ​ദി അ​റേ​ബ്യ​യെ​യും, രാ​ത്രി 8.30ന് ​ആ​തി​ഥേ​യ​രാ​യ ഖ​ത്ത​ർ ബ​ഹ്റൈ​നെ​യും നേ​രി​ടും. ഗ​ൾ​ഫ് ചാ​മ്പ്യ​ൻ​ഷി​പ്പി​നു പി​ന്നാ​ലെ, ട്വ​ൻ​റി20 ലോ​ക​ക​പ്പി​നു​ള്ള ഏ​ഷ്യ ക്വാ​ളി​ഫ​യ​ർ ‘എ’ ​മ​ത്സ​ര​ങ്ങ​ൾ​ക്കും ഖ​ത്ത​ർ വേ​ദി​യാ​കു​ന്ന​തി​നാ​ൽ ര​ണ്ടു ല​ക്ഷ്യ​ങ്ങ​ളു​മാ​യാ​ണ് ചി​ല ടീ​മു​ക​ളെ​ത്തു​ന്ന​ത്.

ഖ​ത്ത​ർ, കു​വൈ​ത്ത്, ഒ​മാ​ൻ, ബ​ഹ്​​റൈ​ൻ, യു.​എ.​ഇ, സൗ​ദി അ​റേ​ബ്യ എ​ന്നീ ആ​റ്​ രാ​ജ്യ​ങ്ങ​ളാ​ണ് പ്ര​ഥ​മ ഗ​ൾ​ഫ് ക്രി​ക്ക​റ്റ് ചാ​മ്പ്യ​ൻ​ഷി​പ്പി​ൽ മ​ത്സ​രി​ക്കു​ന്ന​ത്. റൗ​ണ്ട് റോ​ബി​ൻ അ​ടി​സ്ഥാ​ന​ത്തി​ലാ​ണ് മ​ത്സ​ര​ങ്ങ​ൾ. 20ാം തീ​യ​തി വ​രെ ഓ​രോ ദി​വ​സ​വും ര​ണ്ട് ക​ളി​ക​ൾ വീ​ത​മാ​യാ​ണ് ക്ര​മീ​ക​രി​ച്ച​ത്. റൗ​ണ്ട് റോ​ബി​ൻ ലീ​ഗി​ൽ ഏ​റ്റ​വും കൂ​ടു​ത​ൽ പോ​യ​ൻ​റ്​ നേ​ടു​ന്ന ര​ണ്ട്​ ടീ​മു​ക​ളാ​വും സെ​പ്​​റ്റം​ബ​ർ 23ന്​ ​ന​ട​ക്കു​ന്ന ഫൈ​ന​ലി​ൽ മാ​റ്റു​ര​ക്കു​ന്ന​ത്.

ടീ​മു​ക​ളി​ൽ മ​ല​യാ​ളി​ക്ക​രു​ത്ത്

ഗ​ൾ​ഫി​ലെ​മ്പാ​ടും മ​ല​യാ​ളി​ക​ളാ​ണെ​ന്ന​ത് പോ​ലെ, ക്രി​ക്ക​റ്റ് പോ​രാ​ട്ട​ത്തി​നി​റ​ങ്ങു​ന്ന എ​ല്ലാ ടീ​മു​ക​ളി​ലു​മു​ണ്ട് മ​ല​യാ​ളി​ക​ൾ ഉ​​ൾ​പ്പെ​ടെ ഇ​ന്ത്യ​ക്കാ​രു​ടെ സാ​ന്നി​ധ്യം. ശ്രീ​ല​ങ്ക, പാ​കി​സ്​​താ​ൻ, അ​ഫ്​​ഗാ​ൻ, ബം​ഗ്ലാ​ദേ​ശ്​ തു​ട​ങ്ങി​യ പ്ര​ബ​ല​രാ​യ ക്രി​ക്ക​റ്റ്​ രാ​ജ്യ​ങ്ങ​ളി​ൽ നി​ന്നു​ള്ള താ​ര​ങ്ങ​ളാ​ണ് ആ​റ്​ ടീ​മു​ക​ളു​ടെ ക​രു​ത്ത്. ആ​തി​ഥേ​യ​രാ​യ ഖ​ത്ത​റി​ന്റെ 14 അം​ഗ ടീ​മി​ൽ മൂ​ന്ന് മ​ല​യാ​ളി​ക​ൾ ഇ​ടം നേ​ടി​യി​ട്ടു​ണ്ട്.

ഓ​​ൾ​​റൗ​​ണ്ട​ർ​മാ​രാ​യ കാ​​സ​​ർ​​കോ​​ട് ഉ​​ളി​​യ​​ത്ത​​ടു​​ക സ്വ​​ദേ​​ശി മു​​ഹ​​മ്മ​​ദ് ഇ​​ർ​​ഷാ​​ദ്, ക​​ണ്ണൂ​​ർ അ​ഴീ​ക്കോ​ട് സ്വ​​ദേ​​ശി ബു​​ഹാ​​രി, തി​​രു​​വ​​ന​​ന്ത​​പു​​രം സ്വ​​ദേ​​ശി ബി​​പി​​ൻ​​കു​​മാ​​ർ എ​​ന്നി​​വ​​രാ​​ണ് ആ​തി​ഥേ​യ ജ​ഴ്സി​യി​ൽ മ​ല​യാ​ളി​ക​ൾ. മി​​ർ​​സ അ​​ദ്നാ​​ൻ അ​​ലി, ഹി​​മാ​​ൻ​​ഷു റാ​​ത്തോ​​ഡ് എ​​ന്നീ ഇ​​ന്ത്യ​ക്കാ​രു​മു​ണ്ട്. കു​വൈ​ത്ത് ദേ​ശീ​യ ടീ​മി​ലു​മു​ണ്ട് മൂ​ന്ന് മ​ല​യാ​ളി​ക​ൾ. കൊ​​ല്ലം പ​​ള്ളി​​മു​​ക്ക് സ്വ​​ദേ​​ശി ഷി​​റാ​​സ് ഖാ​​ൻ, മ​​ല​​പ്പു​​റം തി​​രൂ​​ർ സ്വ​​ദേ​​ശി മു​​ഹ​​മ്മ​​ദ് ഷ​​ഫീ​​ഖ്, തൃ​​ശൂ​​ർ സ്വ​​ദേ​​ശി ക്ലി​​ന്റോ എ​​ന്നി​​വ​​രാ​​ണ് ടീ​​മി​​ലു​​ള്ള​​ത്.

വ​​ർ​​ഷ​​ങ്ങ​​ളാ​​യി കു​​വൈ​​ത്ത് ടീ​​മി​​ന്റെ ഭാ​​ഗ​​മാ​​യ ഷി​​റാ​​സ് ഖാ​​ൻ ടീം ​​വൈ​​സ് ക്യാ​​പ്റ്റ​​ൻ കൂ​​ടി​​യാ​​ണ്. ഒ​മാ​ൻ ടീ​മി​ൽ ഗു​ജ​റാ​ത്ത് സ്വ​ദേ​ശി ജ​യ് ഒ​ഡേ​ഡ്ര, ക​ശ്യ​പ് പ്ര​ജാ​പ​തി, പ​ഞ്ചാ​ബി​ൽ നി​ന്നു​ള്ള ജ​തി​ന്ദ​ർ സി​ങ് എ​ന്നി​വ​രു​മു​ണ്ട്. കോ​ഴി​ക്കോ​ട് പ​ന്നി​യ​ങ്ക​ര സ്വ​ദേ​ശി ബാ​സി​ൽ ഹ​മീ​ദാ​ണ് യു.​എ.​ഇ ടീ​മി​ലെ മ​ല​യാ​ളി സാ​ന്നി​ധ്യം. ന്യൂ​ഡ​ൽ​ഹി​ക്കാ​ര​ൻ അ​ന​ൻ​ഷ് ടാ​ൻ​ഡ​ൻ ഉ​ൾ​പ്പെ​ടെ ഏ​താ​നും ഇ​ന്ത്യ​ക്കാ​രും യു.​എ.​ഇ ടീ​മി​നൊ​പ്പ​മു​ണ്ട്.