സിറാജ്: ക്യാ​പ്റ്റ​ൻ ഗി​ല്ലി​ന്റെ അ​ത്ഭു​ത​വി​ള​ക്ക്

ലോർ​ഡ്സി​ൽ ന​ട​ന്ന മൂ​ന്നാം ടെ​സ്റ്റി​ലെ തോ​ൽ​വി​യു​ടെ ക്ലൈ​മാ​ക്സ് ചി​ത്രം ഇ​ന്ത്യ​ക്കാ​ർ മ​റ​ന്നു​തു​ട​ങ്ങി​യി​ട്ടി​ല്ലാ​യി​രു​ന്നു. വി​ജ​യ പ്ര​തീ​ക്ഷ​ക​ളെ​ല്ലാം അ​വ​സാ​നി​ച്ച നേ​ര​ത്ത് ര​വീ​ന്ദ്ര ജ​ദേ​ജ​യു​ടെ ചെ​റു​ത്തു​നി​ൽ​പ്പി​ന് വാ​ല​റ്റം വ​രെ ക​രു​ത്ത് പ​ക​ർ​ന്ന മു​ഹ​മ്മ​ദ് സി​റാ​ജി​ന്‍റെ ചി​ത്രം. ഷു​ഐ​ബ് ബ​ഷീ​റി​ന്‍റെ പ​ന്ത് ത​ന്‍റെ ബാ​റ്റി​ലു​ര​സി ലെ​ഗ് സ്റ്റ​മ്പി​ൽ പ​തി​ക്കു​മ്പോ​ൾ ഒ​രു രാ​ജ്യ​ത്തി​ന്‍റെ സ​ങ്ക​ട​ങ്ങ​ൾ ഒ​ന്ന​ട​ങ്കം പേ​റി അ​യാ​ൾ ക്രീ​സി​ൽ ത​ക​ർ​ന്നി​രു​ന്നു. അ​വ​സാ​നം വ​രെ പോ​രാ​ടി​യി​ട്ടും സ​ർ​വ​വും കൈ​വി​ട്ടു​പോ​യ ആ ​പോ​രാ​ളി​യു​ടെ ചി​ത്രം കാ​യി​ക​പ്രേ​മി​ക​ളു​ടെ ഉ​ള്ളു​ല​ച്ചു. എ​ന്നാ​ൽ, ഏ​റെ വൈ​കാ​തെ മ​റ്റൊ​രു ചി​ത്രം കൂ​ടി അ​തേ പോ​രാ​ളി​യി​ലൂ​ടെ പി​റ​വി​കൊ​ണ്ടു. തോ​ൽ​വി​യു​ടെ വ​ക്കി​ൽ നി​ന്നൊ​രു ടീ​മി​നെ അ​സാ​മാ​ന്യ പ്ര​ക​ട​ന​ത്തി​ലൂ​ടെ തി​രി​ച്ചു​പി​ടി​ച്ച് അ​യാ​ൾ വി​ജ​യ​ശ്രീ​ലാ​ളി​ത​നാ​യി​രി​ക്കു​ന്നു. ലോ​ർ​ഡ്സി​ൽ ഇ​ന്ത്യ കൈ​വി​ട്ട ജ​യം ത​ന്‍റെ അ​തി​മ​നോ​ഹ​ര ബൗ​ളി​ങ് പ്ര​ക​ട​ന​ത്തി​ലൂ​ടെ സി​റാ​ജ് ഓ​വ​ലി​ൽ തി​രി​ച്ചു​പി​ടി​ച്ചി​രി​ക്കു​ന്നു. വി​ജ​യാ​ഘോ​ഷ​ത്തി​ന്‍റെ പാ​ര​മ്യ​ത​യി​ൽ നി​ന്നു​മ​യാ​ൾ പോ​രാ​ട്ട​ത്തി​ന്‍റെ പ്ര​തീ​ക​വും ത​ന്‍റെ പ്രി​യ​പ്പെ​ട്ട ക​ളി​ക്കാ​ര​നു​മാ​യ ക്രി​സ്റ്റ്യാ​നോ റൊ​ണാ​ൾ​ഡോ​യെ അ​നു​ക​രി​ച്ചു.

പ്രാ​യ​ശ്ചി​ത്തം

'മു​ഹ​മ്മ​ദ് സി​റാ​ജ്' സ്തു​തി​ക്ക​പ്പെ​ട്ട വി​ള​ക്കെ​ന്നാ​ണ് ആ ​അ​റ​ബി പ​ദ​ത്തി​ന​ർ​ഥം. ഓ​വ​ലി​ലെ വി​ജ​യ​ത്തോ​ടെ, സി​റാ​ജ് ത​ന്‍റെ പേ​രി​നെ അ​ന്വ​ർ​ഥ​മാ​ക്കി. പ​രാ​ജ​യ​ത്തി​ന്‍റെ അ​ന്ധ​കാ​ര​ത്തി​ലേ​ക്ക് പ​തി​ക്കു​ക​യാ​യി​രു​ന്ന ശു​ഭ്മ​ൻ ഗി​ൽ സം​ഘ​ത്തി​ന് വി​ജ​യ​ത്തി​ന്‍റെ വെ​ളി​ച്ചം സ​മ്മാ​നി​ച്ച​വ​ൻ. അ​വ​ഗ​ണ​ന കൊ​ണ്ടും പ​രി​ഹാ​സം കൊ​ണ്ടും ത​ക​ർ​ക്കാ​ൻ ശ്ര​മി​ച്ച ഉ​ത്ത​ര​വാ​ദി​ത്ത​പ്പെ​ട്ട​വ​ർ പോ​ലും സി​റാ​ജി​ന്‍റെ പ്ര​ക​ട​ന​ത്തി​ന് സ്തു​തി പാ​ടാ​ൻ നി​ർ​ബ​ന്ധി​ത​രാ​യി. അ​വ​സാ​ന ഓ​വ​റു​ക​ളി​ൽ ജ​യം പി​ടി​ക്കു​മെ​ന്ന് ഇം​ഗ്ലി​ഷ് ടീം ​ഉ​റ​പ്പി​ച്ച മ​ത്സ​ര​മാ​ണ് അ​തി​മ​നോ​ഹ​ര പ​ന്തു​ക​ളി​ലൂ​ടെ സി​റാ​ജ് ഇ​ന്ത്യ​ക്കാ​യി പി​ടി​ച്ചു​വാ​ങ്ങി​യ​ത്. ര​ണ്ട് ഇ​ന്നി​ങ്സി​ലു​മാ​യി നേ​ടി​യ​ത് ഒ​മ്പ​ത് വി​ക്ക​റ്റു​ക​ൾ. മ​ത്സ​ര​ത്തി​ൽ എ​റി​ഞ്ഞ​താ​ക​ട്ടെ, 46.3 ഓ​വ​റു​ക​ളും. ടെ​സ്റ്റി​ന്റെ നാ​ലാം ദി​നം ജ​യം ഇ​ന്ത്യ​യു​ടെ പ​ക്ഷ​ത്തേ​ക്ക് കൊ​ണ്ടു​വ​രാ​നു​ള്ള സു​വ​ർ​ണാ​വ​സ​രം പാ​ഴാ​ക്കി​യ​തി​നു​ള്ള സി​റാ​ജി​ന്റെ പ്രാ​യ​ശ്ചി​ത്തം കൂ​ടി​യാ​യി​രു​ന്നു അ​ത്. ഹാ​രി ബ്രൂ​ക്കി​ന്റെ ക്യാ​ച്ച് പാ​ഴാ​ക്കി​യ​പ്പോ​ൾ പ​ഴി​ച്ച​വ​രെ​ല്ലാ​രും മ​ത്സ​രാ​ന​ന്ത​രം പ്ര​കീ​ർ​ത്തി​ക്കു​ന്ന​താ​ണ് ക​ണ്ട​ത്.

പോ​രാ​ട്ടം

വി​ശ്ര​മ​മി​ല്ലാ​തെ അ​ഞ്ച് മ​ത്സ​ര​ങ്ങ​ളും തു​ട​ർ​ച്ച​യാ​യി ക​ളി​ച്ച്, എ​റി​ഞ്ഞ അ​വ​സാ​ന പ​ന്തി​നെ 143 കി​ലോ​മീ​റ്റ​ർ വേ​ഗ​ത്തി​ൽ ലാ​ൻ​ഡ് ചെ​യ്യി​ച്ച സി​റാ​ജി​നെ ഇ​നി മാ​റ്റി​നി​ർ​ത്താ​ൻ ടീം ​ഇ​ന്ത്യ​ക്കാ​കി​ല്ല. ഒ​റ്റ സ്പെ​ല്ലി​ൽ 10 ഓ​വ​ർ വ​രെ എ​റി​യു​ക, ഫീ​ൽ​ഡി​ങ് തു​ട​രു​ക, ആ​വ​ശ്യ​മു​ള്ള​പ്പോ​ൾ ഇം​പാ​ക്റ്റ് ഉ​ണ്ടാ​ക്കു​ക... ഇ​തി​ൽ​പ​രം എ​ന്തു​വേ​ണം ഒ​രു ടെ​സ്റ്റ് ബൗ​ള​ർ​ക്ക്. പ​രി​ക്ക് വ​രു​മെ​ന്ന പേ​രി​ൽ ബും​റ വി​ശ്ര​മി​ക്കു​ന്നു, മു​ഹ​മ്മ​ദ് ഷ​മി​യാ​ക​ട്ടെ, സ്ഥി​രം പ​രി​ക്കി​ന്‍റെ പി​ടി​യി​ലും. ക​ളി​ക്ക​ള​ത്തി​ൽ തി​ക​ഞ്ഞ പോ​രാ​ളി​യാ​യി സി​റാ​ജ് വ​ള​ർ​ന്നു​വെ​ന്ന​തി​ന്‍റെ വ്യ​ക്ത​മാ​യ തെ​ളി​വാ​യി​രു​ന്നു ഈ ​പ​ര​മ്പ​ര. ഇ​രു ഭാഗത്തും അ​ഞ്ച് ടെ​സ്റ്റു​ക​ളി​ലും ക​ളി​ച്ച ഏ​ക ഫാ​സ്റ്റ് ബൗ​ള​റാ​ണ് സി​റാ​ജ്. പ​ര​മ്പ​ര​യി​ൽ 23 വി​ക്ക​റ്റു​ക​ളു​മാ​യി ഏ​റ്റ​വും കൂ​ടു​ത​ൽ വി​ക്ക​റ്റ് വീ​ഴ്ത്തി​യ ബൗ​ള​ർ. ജ​സ്പ്രീ​ത് ബും​റ​ക്ക് ജോ​ലി​ഭാ​രം കാ​ര​ണം ര​ണ്ട് ടെ​സ്റ്റു​ക​ളി​ൽ ക​ളി​ക്കാ​ൻ അ​വ​സ​രം ല​ഭി​ച്ചി​ല്ലെ​ങ്കി​ലും, സി​റാ​ജ് അ​വ​സ​ര​ത്തി​നൊ​ത്ത് ഉ​യ​ർ​ന്നു. സ​മ്മ​ർ​ദ ഘ​ട്ട​ങ്ങ​ളി​ലെ​ല്ലാം അ​യാ​ൾ ടീ​മി​നെ ചേ​ർ​ത്തു​നി​ർ​ത്തി. മൈ​താ​ന​ത്ത് ത​ന്‍റെ സ​ഹ​ബൗ​ള​ർ​മാ​ർ​ക്ക് അ​യാ​ൾ നി​ര​ന്ത​രം പ്ര​ചോ​ദ​ന​മാ‍‍യി.

'ബും​റ​യു​ടെ ഫി​റ്റ്ന​സ് സം​ബ​ന്ധി​ച്ച ചോ​ദ്യ​ങ്ങ​ൾ നി​ല​നി​ൽ​ക്കും, ഏ​റ്റ​വും ദൈ​ർ​ഘ്യ​മേ​റി​യ ഫോ​ർ​മാ​റ്റി​ൽ അ​ദ്ദേ​ഹ​ത്തി​ന്റെ ഭാ​വി വ്യ​ക്ത​മ​ല്ല. എ​ന്നാ​ൽ, പു​തി​യ പേ​സ​ർ​മാ​രെ വ​ള​ർ​ത്താ​ൻ സി​റാ​ജു​ണ്ടാ​കു​മെ​ന്ന് വി​ശ്വ​സി​ക്കു​ക, ഇ​ന്ത്യ​യു​ടെ ബൗ​ളി​ങ് പ​രി​ശീ​ല​ക​ൻ മോ​ർ​ൺ മോ​ർ​ക്ക​ലി​ന്റെ വാ​ക്കു​ക​ളി​ലു​ണ്ട് സി​റാ​ജി​ന്‍റെ പോ​രാ​ട്ട വൈ​ഭ​വം.

ഇന്ത്യ-ഇംഗ്ലണ്ട് ടെസ്റ്റ്: ​റെക്കോഡ് പുസ്തകത്തിലേക്ക്

7881: ഏ​റ്റ​വു​മ​ധി​കം റ​ൺ​സ് സ്കോ​ർ ചെ​യ്ത പ​ഞ്ച മ​ത്സ​ര ടെ​സ്റ്റ് പ​ര​മ്പ​ര. 1993ൽ ​ആ​റ് മ​ത്സ​ര​ങ്ങ​ള​ട​ങ്ങി​യ ആ​സ്ട്രേ​ലി​യ-​ഇം​ഗ്ല​ണ്ട് ആ​ഷ​സ് പ​ര​മ്പ​ര​യി​ൽ 7221 റ​ൺ​സ് പി​റ​ന്നി​രു​ന്നു.

3809: അ​ഞ്ച് മ​ത്സ​ര​ങ്ങ​ളു​ള്ള ടെ​സ്റ്റ് പ​ര​മ്പ​ര ഒ​രു ടീം ​നേ​ടു​ന്ന ഏ​റ്റ​വും കൂ​ടു​ത​ൽ റ​ൺ​സ് റെ​ക്കോ​ഡ് ഇ​ന്ത്യ​ക്ക്

21: ഏ​റ്റ​വു​മ​ധി​കം സെ​ഞ്ച്വ​റി​ക​ൾ പി​റ​ന്ന ദ്വി​രാ​ഷ്ട്ര ടെ​സ്റ്റ് പ​ര​മ്പ​ര. 1955ലെ ​ആ​സ്ട്രേ​ലി​യ-​വെ​സ്റ്റി​ൻ​ഡീ​സ് പ​ര​മ്പ​ര​ക്കൊ​പ്പം.

754: ഒ​രു ടെ​സ്റ്റ് പ​ര​മ്പ​ര​യി​ൽ ഏ​റ്റ​വും കൂ​ടു​ത​ൽ റ​ൺ​സ് നേ​ടു​ന്ന ഇ​ന്ത്യ​ൻ ക്യാ​പ്റ്റ​നാ​യി ശു​ഭ്മ​ൻ ഗി​ൽ. ഇ​ന്ത്യ-​ഇം​ഗ്ല​ണ്ട് ടെ​സ്റ്റ് പ​ര​മ്പ​ര​യി​ൽ ഏ​റ്റ​വും കൂ​ടു​ത​ൽ റ​ൺ​സ് നേ​ടി​യ താ​ര​വും.

6000+, 39: ലോ​ക ടെ​സ്റ്റ് ചാ​മ്പ്യ​ൻ​ഷി​പ്പ് ച​രി​ത്ര​ത്തി​ൽ 6,000 റ​ൺ​സ് നേ​ടു​ന്ന ആ​ദ്യ ക​ളി​ക്കാ​ര​നാ​യി ജോ ​റൂ​ട്ട്. 39ാം സെ​ഞ്ച്വ​റി നേ​ടി ഏ​റ്റ​വു​മ​ധി​കം ടെ​സ്റ്റ് ശ​ത​ക​ങ്ങ​ൾ കു​റി​ച്ച​വ​രു​ടെ പ​ട്ടി​ക​യി​ൽ നാ​ലാ​മ​നും.

50+, 6: ഇ​ന്ത്യ-​ഇം​ഗ്ല​ണ്ട് ടെ​സ്റ്റ് പ​ര​മ്പ​ര​യി​ൽ ഏ​റ്റ​വു​മ​ധി​കം അ​ർ​ധ ശ​ത​ക​ങ്ങ​ൾ നേ​ടി​യ ബാ​റ്റ​റാ​യി ര​വീ​ന്ദ്ര ജ​ദേ​ജ (6).

4+, 7: ഇം​ഗ്ല​ണ്ടി​ൽ ഒ​രു ടെ​സ്റ്റ് പ​ര​മ്പ​ര​യി​ൽ ഏ​റ്റ​വു​മ​ധി​കം ത​വ​ണ നാ​ലോ അ​തി​ല​ധി​ക​മോ വി​ക്ക​റ്റ് നേ​ടു​ന്ന ബൗ​ള​റാ​യി ഇ​ന്ത്യ​ൻ പേ​സ​ർ മു​ഹ​മ്മ​ദ് സി​റാ​ജ് (7).

23: ഇം​ഗ്ല​ണ്ടി​ൽ ഒ​രു ടെ​സ്റ്റ് പ​ര​മ്പ​ര​യി​ൽ ഏ​റ്റ​വു​മ​ധി​കം വി​ക്ക​റ്റ് വീ​ഴ്ത്തു​ന്ന ഇ​ന്ത്യ​ൻ ബൗ​ള​റാ​യി മു​ഹ​മ്മ​ദ് സി​റാ​ജ്. ജ​സ്പ്രീ​ത് ബും​റ​യു​ടെ റെ​ക്കോ​ഡി​നൊ​പ്പം.

51: ഇം​ഗ്ല​ണ്ടി​ൽ ഏ​റ്റ​വും കൂ​ടു​ത​ൽ വി​ക്ക​റ്റ് നേ​ടി​യ ഇ​ന്ത്യ​ൻ ബൗ​ള​റാ​യി ജ​സ്പ്രീ​ത് ബും​റ. ഇ​ശാ​ന്ത് ശ​ർ​മ​യു​ടെ റെ​ക്കോ​ഡി​നൊ​പ്പം.