യൂട്യൂബിൽ ആയിരം കോടിയിലേറെ കാഴ്ചക്കാരെ സ്വന്തമാക്കിയിരിക്കുകയാണ് ഈ വീഡിയോ. പിങ്ക്ഫോങിന്റെ 'ബേബി ഷാർക്ക് ഡാൻസ്' ആണ് യുട്യൂബിൽ 10 ബില്യൺ കാഴ്ചക്കാർ എന്ന നേട്ടം ആദ്യം കൈവരിക്കുന്ന വീഡിയോ. 2016 ജൂൺ 18നാണ് ഈ വീഡിയോ യുട്യൂബിൽ റിലീസ് ചെയ്യുന്നത്. ഇതുവരെ 10,008,732,879 പേരാണ് രണ്ട് കുട്ടികൾ അണിനിരക്കുന്ന ഈ 'ചെറു സ്രാവിന്റെ ഡാൻസ്' കണ്ടിരിക്കുന്നത്.
പെവ്റ്റോറീക്ൻ പോപ് താരങ്ങളായ ലൂയിസ് ഫൊൻസിയുടെയും ഡാഡി യാങ്കിയുടെയും 'ഡെസ്പതിസോ' എന്ന ആൽബമാണ് തൊട്ടുപിന്നിൽ. 7,704,950,023 പേരാണ് ഈ ആൽബം കണ്ടിരിക്കുന്നത്. സ്രാവുകളുടെ ആനിമേഷന്റെ പശ്ചാത്തലത്തിൽ രണ്ട് കുട്ടികൾ അവതരിപ്പിക്കുന്ന രീതിയിലാണ് 'ബേബി ഷാർക്ക് ഡാൻസ്' ചിത്രീകരിച്ചിരിക്കുന്നത്. ബിൽബോർഡ് ഹോട്ട് 100 പട്ടികയിൽ 32ാം സ്ഥാനത്താണ് ഈ വീഡിയോയുള്ളത്.
പത്ത് ബില്യൺ കാഴ്ചക്കാർ എന്ന നേട്ടം ബേബി ഷാർക്കിന്റെ യാത്രയിൽ മറ്റൊരു നാഴികക്കല്ല് ആണെന്ന് പിങ്ക്ഫോങ് സി.ഇ.ഒ മിൻ-സിയോക് കിം പറഞ്ഞു. 2020 നവംബറിൽ 7.04 ബില്യൺ കാഴ്ചക്കാർ എന്ന നേട്ടം ഈ വീഡിയോ സ്വന്തമാക്കിയിരുന്നു. യുട്യൂബിന്റെ ചരിത്രത്തിൽ ഏറ്റവുമധികം കാഴ്ചക്കാർ ലഭിച്ച വീഡിയോ എന്ന പദവി അന്നും ബേബി ഷാർക്കിന് ആയിരുന്നു. പ്രമുഖ കൊറിയൻ-അമേരിക്കൻ ഗായികയായ ഹോപ് സിഗോയിൻ 2015ൽ പത്ത് വയസ്സുള്ളപ്പോൾ പാടിയ പാട്ടാണിത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.