കോഴിക്കോട്: ഹോട്ടൽ വരാന്തയിൽ ഉറങ്ങിക്കിടക്കവെ മദ്യലഹരിയിൽ എത്തിയ യുവാവ് തീകൊളുത്തിയയാൾ മരിച്ചു. മെഡിക്കൽ കോളജ് ആശുപത്രിയിൽ ചികിത്സയിലായിരുന്ന കൊടുവള്ളി സ്വദേശി തണ്ണിമുണ്ടക്കാട് ഷൗക്കത്ത് (48) ആണ് മരിച്ചത്. മാർച്ച് 12ന് രാത്രി പന്ത്രണ്ടോടെയാണ് സംഭവം. കോഴിക്കോട് റെയിൽവേക്ക് സമീപത്തെ ഹോട്ടലിന്റെ മുൻഭാഗത്ത് ഉറങ്ങവെ ഷൗക്കത്തിന്റെ ദേഹത്ത് മണി പെട്രോൾ ഒഴിച്ച് തീകൊളുത്തുകയായിരുന്നു. സമീപത്തെ സി.സി.ടി.വി കാമറയിൽ ദേഹത്തേക്ക് പെട്രോൾ ഒഴിക്കുന്നതിന്റെയും തീകൊളുത്തുന്നതിന്റെ ദൃശ്യങ്ങളുണ്ട്. സമീപത്തുള്ളവർ വിവരമറിയിച്ചതിനെ തുടർന്ന് ടൗൺ പൊലീസ് എത്തി ആംബുലൻസിലാണ് ഷൗക്കത്തിനെ മെഡിക്കൽ കോളജ് ആശുപത്രിയിലെത്തിച്ചത്. തമിഴ്നാട് സ്വദേശി മണിയാണ് തീകൊളുത്തിയത് എന്ന ഷൗക്കത്തിന്റെ മൊഴിപ്രകാരം തലശേരിയിൽനിന്ന് ഇയാളെ അറസ്റ്റ് ചെയ്തിരുന്നു. പ്രതി റിമാൻഡിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.