വൈത്തിരി: കോവിഡ് ബാധിച്ച യുവതി പ്രസവത്തെ തുടർന്ന് മരിച്ചു. പൂക്കോട് അനിമൽ സയൻസ് സർവകലാശാല ബി.വി.എസ്.സി മൂന്നാം വർഷ വിദ്യാർഥിനിയും പാലക്കാട് പുതുക്കോട് സ്വദേശികളായ അബ്ദുൽ ഷുക്കൂർ-റജീന ദമ്പതികളുടെ മകളുമായ ഫെമിദ (21) ആണ് മേപ്പാടിയിലെ സ്വകാര്യ ആശുപത്രിയിൽ മരിച്ചത്.
രണ്ടു ദിവസം മുമ്പാണ് പൂർണ ഗർഭിണിയായ യുവതിയെ കോവിഡ് ബാധിച്ച നിലയിൽ ആശുപത്രിയിൽ പ്രവേശിപ്പിച്ചത്. കോവിഡിനെ തുടർന്ന് ന്യുമോണിയയും ബാധിച്ചതോടെ നില വഷളാവുകയായിരുന്നു. പ്രസവത്തിന് ശേഷമാണ് യുവതി മരിച്ചത്. കുഞ്ഞ് സുഖമായിരിക്കുന്നു. തളിപ്പുഴയിൽ വാടകക്കെട്ടിടത്തിൽ ഭർത്താവിന്റെ മാതാപിതാക്കളോടൊപ്പം താമസിക്കുകയായിരുന്നു ഫെമിദ. മയ്യിത്ത് സ്വദേശമായ പാലക്കാട്ടേക്ക് കൊണ്ടുപോയി. ഭർത്താവ്: ബാസിത്ത് ഇബ്രാഹിം (കൊച്ചിൻ റിഫൈനറി).
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.