ബാലുശ്ശേരി: കക്കയം കരിയാത്തുംപാറ റിസർവോയറിലെ പാറക്കടവിൽ കുളിക്കാനിറങ്ങിയ കൊടുവള്ളി സ്വദേശിയായ വിദ്യാർഥി മുങ്ങിമരിച്ചു. തിങ്കളാഴ്ച വൈകീട്ട് നാലരയോടെയാണ് അപകടം. കൊടുവള്ളി ചാവിടിക്കുന്നുമ്മൽ അബ്ദുൽ ഖാദറിെൻറ മകൻ മുഹമ്മദ് അബ്ദുല്ല ബാവയാണ് (14) മരിച്ചത്. മാതാപിതാക്കൾക്കൊപ്പം റിസർവോയറിലെ പാറക്കടവ് ഭാഗത്ത് കുളിക്കാനിറങ്ങിയ മുഹമ്മദ് പാറക്കുഴിയിൽ താഴ്ന്നുപോവുകയായിരുന്നു. തുടർന്ന് പ്രദേശത്തെ അമീൻ രക്ഷാസംഘം നടത്തിയ തിരച്ചിലിൽ കുട്ടിയെ കണ്ടെത്തി. താമരശ്ശേരി താലൂക്ക് ആശുപത്രിയിലും പിന്നീട് കോഴിക്കോട് മെഡിക്കൽ കോളജ് ആശുപത്രിയിലും എത്തിച്ചെങ്കിലും മരിച്ചു. പടനിലം ഫേസ് ഇൻറർനാഷനൽ സ്കൂൾ എട്ടാം ക്ലാസ് വിദ്യാർഥിയാണ്. ഉമ്മു സൽമയാണ് മാതാവ്. സഹോദരൻ: അഹമ്മദ് കബീർ. മൃതദേഹം മെഡിക്കൽ കോളജ് ആശുപത്രി മോർച്ചറിയിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.