കോഴിക്കോട്: സി.എസ്.ഐ നോർത്ത് കേരള മഹായിടവകയുടെ മുൻ അധ്യക്ഷൻ ബിഷപ് ഡോ. പി.ജി കുരുവിള(88)ക്ക് നാടിെൻറ അന്ത്യാഞ്ജലി. കോഴിക്കോട് വിശ്രമ ജീവിതം നയിക്കുന്നതിനിടെ ഞായറാഴ്ച അർധരാത്രിയോടെയാണ് ഗാന്ധിനഗറിലെ വസതിയിൽ നിര്യാതനായത്. വ്യാഴാഴ്ച ഒമ്പതിനു നടക്കാവ് സി.എസ്.ഐ സെൻറ് മേരീസ് ഇംഗ്ലീഷ് ചർച്ചിൽ പ്രാർഥനക്ക് ശേഷം പൊതുദർശനത്തിനു വെക്കും. സംസ്കാര ശുശ്രൂഷ ഉച്ചക്ക് രണ്ടിന് മാനാഞ്ചിറ സി.എസ്.ഐ കത്തീഡ്രലിൽ. കൊച്ചി മഹായിടവകയും മലബാർ മഹായിടവകയും രൂപവത്കരിക്കുന്നതിനു മുമ്പ് നോർത്ത് കേരള മഹായിടവകക്ക് ശക്തമായ നേതൃത്വം നൽകിയത് പി.ജി കുരുവിളയായിരുന്നു. 1932 ഡിസംബർ 26ന് കൊല്ലം കരുനാഗപ്പള്ളിയിലാണ് ജനനം. ഹാംബർഗ്, മ്യൂണിക് സർവകലാശാലകളിൽ ഗവേഷണ പഠനം നടത്തി. മ്യൂണിക് സർവകലാശാല പിഎച്ച്.ഡി ബിരുദം നൽകി. ഉപരിപഠനശേഷം കണ്ണമ്മൂല തിയോളജിക്കൽ കോളജിൽ അധ്യാപകനായി. ഭാരതീയ ക്രൈസ്തവ ദർശനങ്ങൾ, മനുഷ്യൻ ക്രൈസ്തവ ദർശനത്തിൽ എന്നീ ഗ്രന്ഥങ്ങളുടെ രചയിതാവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.