പയ്യോളി: ട്രെയിൻ തട്ടി ഗൃഹനാഥൻ മരിച്ചനിലയിൽ. പയ്യോളി ഭജനമഠം വാർഡിൽ കാരേക്കാട് പള്ളിക്ക് സമീപം നല്ലോളി കുമാരൻ ( 55 ) ആണ് മരിച്ചത്. വ്യാഴാഴ്ച രാത്രി വീട്ടിലേക്ക് വരവെ റെയിൽപാത മുറിച്ചുകടക്കുന്നതിനിടയിൽ ട്രെയിൻ വന്ന് ഇടിക്കുകയായിരുന്നുവെന്ന് കരുതുന്നു. വെള്ളിയാഴ്ച രാവിലെ ഏഴോടെ റെയിൽപാളത്തിനരികിൽ മൃതദേഹം കാണപ്പെടുകയായിരുന്നു. പയ്യോളി പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. കോഴിക്കോട് മെഡിക്കൽ കോളജിൽവെച്ച് പോസ്റ്റ്മോർട്ടത്തിനു ശേഷം വൈകീട്ടോടെ മൃതദേഹം വീട്ടുവളപ്പിൽ സംസ്കരിച്ചു. ഭാര്യ: പ്രേമ. മക്കൾ: ഷബിൻ, വിബിൻ. സഹോദരങ്ങൾ: അരവിന്ദൻ, ബാലകൃഷ്ണൻ, അശോകൻ, ദിനേശൻ, പരേതനായ സദാനന്ദൻ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.