കൽപറ്റ: കോവിഡ് ചികിത്സയിലിരിക്കെ വയനാട്ടിൽ ഒരാൾ കൂടി മരിച്ചു. മേപ്പാടി പുതുക്കുഴി വീട്ടിൽ മൈമൂന (62) ആണ് മാനന്തവാടി ജില്ല ആശുപത്രിയിൽ ശനിയാഴ്ച രാത്രി 11.30ഓടെ മരിച്ചത്. പ്രമേഹം, രക്തസമ്മർദം, പക്ഷാഘാതം തുടങ്ങിയ രോഗങ്ങൾക്ക് പുറമെ ശ്വാസതടസ്സവുമായി സെപ്റ്റംബർ 13 മുതൽ തീവ്രപരിചരണ വിഭാഗത്തിൽ വെൻറിലേറ്ററിൽ തുടരുകയായിരുന്നു. ആദ്യം കൽപറ്റയിലെ സ്വകാര്യ ആശുപത്രിയിലും പിന്നീട് മാനന്തവാടി ജില്ല ആശുപത്രിയിലും പ്രവേശിപ്പിച്ചു. മേപ്പാടി ജുമാമസ്ജിദ് ഖബർസ്ഥാനിൽ ഞായറാഴ്ച ഉച്ചക്ക് 12ന് േകാവിഡ് പ്രോട്ടോകോൾ പാലിച്ച് ഖബറടക്കം നടത്തി. വൈറ്റ് ഗാർഡ് ടീം അംഗങ്ങളാണ് ഖബറടക്കത്തിന് നേതൃത്വം നൽകിയത്. മക്കൾ: അബ്ദുറഹ്മാൻ, സംഷാദ, ബുഷ്റ. മരുമക്കൾ: സക്കീന, സലിം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.