കോഴിക്കോട്: മെഡിക്കൽ കോളജ് ആശുപത്രിയിൽ കോവിഡ് ചികിത്സയിലിരുന്ന മൂന്നു പേർ കൂടി മരിച്ചു. ഒരു മലപ്പുറം സ്വദേശിയും രണ്ടു കോഴിക്കോട് സ്വദേശികളുമാണ് മരിച്ചത്. ബേപ്പൂർ അരക്കിണർ സ്വദേശികളായ കബീർ (60), അഹമ്മദ് കോയ (74), മലപ്പുറം താനൂർ പുതിയ കടപ്പുറം കമ്പാരത്ത് മൊയ്തീൻകോയ (74) എന്നിവരാണ് മരിച്ചത്. കോവിഡ് പോസിറ്റീവ് ആയതിനെ തുടർന്നു തിരൂർ ഗവൺമെൻറ് ആശുപത്രിയിൽനിന്ന് സെപ്റ്റംബർ 25നാണ് മൊയ്തീൻകോയയെ മെഡിക്കൽ കോളജ് ആശുപത്രിയിലേക്ക് മാറ്റിയത്. മറ്റ് അസുഖങ്ങളും അലട്ടിയിരുന്ന ഇദ്ദേഹം 28ന് മരിച്ചു. ബീച്ച് ആശുപത്രിയിൽ കോവിഡ് ചികിത്സയിലായിരുന്ന അഹമ്മദ് കോയയെ 21നാണ് മെഡിക്കൽ കോളജ് ആശുപത്രിയിലേക്ക് മാറ്റിയത്. ഹൃദയാഘാതം മൂലം 27ന് മരിച്ചു. സെപ്റ്റംബർ 10ന് കോവിഡ് സ്ഥിരീകരിച്ച കബീറിനെ ഇഖ്റ ആശുപത്രിയിൽനിന്ന് 11നാണ് മെഡിക്കൽ കോളജ് ആശുപത്രിയിലേക്ക് മാറ്റിയത്. 20നും 24നും നടത്തിയ ആൻറിജൻ പരിശോധനയിലും കോവിഡ് പോസിറ്റിവ് ആയിരുന്നു. ഹൃദയാഘാതം മൂലം 27ന് മരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.