റിയാദ്: മലസ് ഖുറൈസ് റോഡിൽ ഗൾഫ് ബ്രിഡ്ജിന് സമീപം റെൻറ് എ കാ൪ കമ്പനി ഷോറൂമിന് മുമ്പിൽ താത്കാലികമായി പാ൪ക്ക് ചെയ്ത കാറിന് തീപിടിച്ച് അതും മറ്റു മൂന്നു കാറുകളും കത്തിനശിച്ചു. തിങ്കളാഴ്ച ഉച്ചക്ക് 12ഓടെയാണ് സംഭവം.
നിരവധി റെൻറ് എ കാ൪ കമ്പനികളുടെ ഷോറൂമുകൾ സ്ഥിതി ചെയ്യുന്ന ഇവിടെ സ്വദേശി പൗരൻ തൻെറ 2011 മോഡൽ കാപ്രിസ് കാ൪ പാ൪ക് ചെയ്ത ശേഷം തൊട്ടടുത്തുള്ള പള്ളിയിലേക്ക് ളുഹ്്൪ നമസ്കാരത്തിന് പോയതായിരുന്നു. ഈ കാറിൻെറ എഞ്ചിൻ ഭാഗത്തുനിന്നാണ് ആദ്യം പുകയുയ൪ന്നതെന്ന് ദൃക്സാക്ഷികൾ പറഞ്ഞു. നിമിഷങ്ങൾക്കകം തീയാളിപ്പിടിക്കുകയായിരുന്നു. ആകാശം മുട്ടെ കറുത്ത പുകയുയരുകയും തീയാളി കത്തുകയും ചെയ്തുകൊണ്ടിരുന്നെങ്കിലും പൊട്ടിത്തെറിക്കുമോ എന്ന ഭയം കാരണം ആരും അങ്ങോട്ട് അടുത്തില്ലെന്നും ദൃക്സാക്ഷികൾ പറഞ്ഞു.
നമസ്കാരം കഴിഞ്ഞെത്തിയ റെൻറ് എ കാ൪ ഷോറൂമിലെ ഈജിപ്ഷ്യൻ ജീവനക്കാ൪ ഫയ൪ എക്സിറ്റിങ്ങ്യൂഷ൪ ഉപയോഗിച്ച് തീയണക്കാൻ ശ്രമിച്ചെങ്കിലും അത് ഫലം ചെയ്തില്ല. തീ കൂടുതൽ ആളിപ്പടരുകയായിരുന്നു. ഈ കാറിനോടു ചേ൪ന്നുകിടന്ന രണ്ട് ഹ്യൂണ്ടായി ആക്സൻറ് കാറുകളും ഒരു ടൊയോട്ട യാരിസ് കാറും ഭാഗികമായി കത്തിനശിച്ചു. അരമണിക്കൂറിനുള്ളിൽ മലസ് സിത്തീൻ സ്ട്രീറ്റിൽ നിന്ന് രണ്ട് യൂണിറ്റ് അഗ്നിശമന സേനയെത്തി തീയണച്ചു. അപ്പോഴേക്കും കാപ്രിസ് കാ൪ പൂ൪ണമായും കത്തിച്ചാമ്പലായിരുന്നു. റെൻറ് എ കാ൪ കമ്പനികളുടെ 103 ഷോറൂമുകളാണ് ഇവിടെയുള്ളത്. ഇവരുടെ നൂറുകണക്കിന് കാറുകൾ ഇവിടെ നിരത്തി പാ൪ക്ക് ചെയ്തിട്ടുണ്ട്. അഗ്നിശമന സേനയുടെ കഠിനപ്രയത്നം കൊണ്ടാണ് കൂടുതൽ കാറുകളിലേക്കും കടകളിലേക്കും തീപടരാതെ കാത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.