മസ്കത്ത്: ആദം-തുംരൈത്ത് റോഡിൽ ശനിയാഴ്ച രാവിലെയുണ്ടായ വാഹനാപകടത്തിൽ അഞ്ചുപേ൪ മരിച്ചു. എട്ടുപേ൪ക്ക് പരിക്കേറ്റു.
മൂന്ന് സ്വദേശികളും യു.എ.ഇ, എത്യോപ്യൻ സ്വദേശികളായ രണ്ട് സ്ത്രീകളുടമാണ് മരിച്ചതെന്ന് റോയൽ ഒമാൻ പൊലീസ് അറിയിച്ചു. മുഖ്ശിൻ വിലായത്തിലെ ഖത്ബീത് എന്ന സ്ഥലത്താണ് അപകടമുണ്ടായത്. ആദമിൽ നിന്ന് തുംരൈതിലേക്ക് പോയിരുന്ന കാ൪ മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ എതിരെ വന്ന കാറുമായി നേ൪ക്കുനേ൪ കൂട്ടിയിടിക്കുകയായിരുന്നുവത്രെ.
തുംരൈത്തിൽ സ്റ്റേഷനിൽ നിന്നെത്തിയ പൊലീസും, സിവിൽഡിഫൻസുമാണ് വാഹനങ്ങളിൽ നിന്ന് പരിക്കേറ്റവരെ പുറത്തെടുത്തത്. പരിക്കേറ്റവരെ മുഖ്ശിൻ ഹെൽത്ത് സെൻററിൽ പ്രവേശിപ്പിച്ചു.
മൃതദേഹങ്ങളും ഈ ആരോഗ്യകേന്ദ്രത്തിൽ സൂക്ഷിച്ചിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.