മസ്കത്ത്: ഒമാനിലെ ബിദ്ബിദിലുണ്ടായ വാഹനാപകടത്തിൽ തലശ്ശേരി സ്വദേശി മരിച്ചു. ധ൪മ്മടം ‘ഇച്ചാസിൽ’ പരേതനായ ഇബ്രാഹിമിൻെറയും പച്ചുഉമ്മയുടെയും മകൻ മുഹമ്മദ് സനദാണ് (ഷാനി-28) മരിച്ചത്.
വെള്ളിയാഴ്ച രാത്രി എട്ടരയോടെ ബിദ്ബിദ്-ഇബ്ര ഹൈവേയിലാണ് അപകടം. പാലത്തിന് മുകളിൽ ദിശമാറി മുന്നോട്ടുപോയ സനദിൻെറ കാറും ഒമാൻ സ൪ക്കാറിൻെറ വാഹനവും കൂട്ടിയിടിച്ചാണ് അപകടമെന്ന് സുഹൃത്തുക്കൾ പറഞ്ഞു. സീബിൽ താമസിച്ചിരുന്ന ഇദ്ദേഹം ലേഡീസ് ഉൽപന്നങ്ങളുടെ വിപണനരംഗത്ത് പ്രവ൪ത്തിക്കുകയായിരുന്നു. ഉൽപന്നങ്ങളുടെ വിതരണത്തിനായി പോകുന്നതിനിടെയാണ് അപകടം. നേരത്തേ ഒമാനിലുണ്ടായിരുന്ന സനദ് പുതിയ വിസയിൽ ഒന്നരമാസം മുമ്പാണ് ഗൾഫിൽ തിരിച്ചെത്തുന്നത്.
അവിവാഹിതനാണ്. സഹോദരങ്ങൾ: ഇക്ബാൽ, അഷ്റഫ് (ഇരുവരും ദുബൈ), സക്കീന, ഹൈറുന്നിസ, ബുഷ്റ, സഹീറാബാനു. മൃതദേഹം നാട്ടിലെത്തിക്കാനുള്ള നടപടികൾ പുരോഗമിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.