കുവൈത്ത് സിറ്റി: ആഫ്രിക്കൻ യൂനിയനിൽ കുവൈത്തിന് നിരീക്ഷക പദവി ലഭിച്ചു. ആഫ്രിക്കൻ യൂനിയൻ ചെയ൪മാൻ ഴാങ് പിങ്ങും എത്യോപ്യയിലെ കുവൈത്ത് അംബാസഡ൪ റഷീദ് അൽ ഹിജ്രിയും തമ്മിൽ നടന്ന കൂടിക്കാഴ്ചക്കുശേഷമാണ് ഈ തീരുമാനമുണ്ടായതെന്ന് എത്യോപ്യയിലെ കുവൈത്ത് എംബസി അറിയിച്ചു.
ആഫ്രിക്കൻ യൂനിയൻെറ പ്രവ൪ത്തനങ്ങളിൽ താൽപര്യം കാണിക്കുന്ന അമീ൪ ശൈഖ് സ്വബാഹ് അൽ അഹ്മദ് അസ്വബാഹിന് കൃതജ്ഞത രേഖപ്പെടുത്തിയ ഴാങ് പിങ് 2013ൽ കുവൈത്ത് ആതിഥ്യം വഹിക്കുന്ന അറബ്-ആഫ്രിക്കൻ ഉച്ചകോടി വൻ വിജയമാവുമെന്ന് പ്രത്യാശ പ്രകടിപ്പിക്കുകയും ചെയ്തു. യു.എ.ഇക്കുശേഷം ആഫ്രിക്കൻ യൂനിയനിൽ നിരീക്ഷക പദവി ലഭിക്കുന്ന ആദ്യ രാജ്യമാണ് കുവൈത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.