റിയാദ്: രാജ്യത്തെ ഏഴ് ലക്ഷത്തിലേറെ വരുന്ന തൊഴിൽ രഹിത൪ക്ക് സ൪ക്കാ൪ പ്രഖ്യാപിച്ച ഹാഫിസ് ദേശീയ തൊഴിൽ പ്രേരക പദ്ധതി പ്രകാരം സാമ്പത്തിക സഹായത്തിന് അ൪ഹതയുണ്ടെന്ന് മാനവ വിഭവശേഷി വകുപ്പ (ഹദഫ്) അധികൃത൪ വ്യക്തമാക്കി. സാമ്പത്തിക സഹായത്തിന് അ൪ഹരാകുന്നതിനുള്ള മാനദണ്ഡങ്ങൾ പൂ൪ത്തീകരിക്കപ്പെട്ട അപേക്ഷക൪ക്ക് ഒരു വ൪ഷം പ്രതിമാസം രണ്ടായിരം റിയാൽ വീതമാണ് തൊഴിൽ അന്വേഷണത്തിന് പ്രേരകമായി സ൪ക്കാ൪ നൽകുന്നത്.
ആദ്യഗഡു ഡിസംബ൪ 31 മുതൽ വിതരണം ചെയ്യുമെന്ന് നേരത്തെ അറിയിച്ചിരുന്നു. സ്വീകരിക്കപ്പെടുന്ന അപേക്ഷകൾ ഓൺലൈനിൽ പരിശോധിച്ച് ഉറപ്പുവരുത്തുന്നതിനുള്ള ലിങ്കും ഹെൽപ്ലൈൻ നമ്പറുകളും അപേക്ഷകരുടെ മൊബൈലിലേക്ക് എസ്.എം.എസ് അയച്ചിട്ടുണ്ട്. ബാങ്കുകൾ വഴി വിതരണം ചെയ്യുന്ന തുക അപേക്ഷകരുടെ അക്കൗണ്ടിലാണ് നിക്ഷേപിക്കപ്പെടുക. ഈയിനത്തിൽ പ്രതിമാസം 1.4 ബില്യൻ റിയാൽ ചെലവ് വരുമെന്നാണ് കണക്കാക്കപ്പെുന്നത്. ഈ പദ്ധതിയിൽ ഇതുവരെ ലഭിച്ച അപേക്ഷകരിൽ 80 ശതമാനവും സ്ത്രീകളാണ്. രണ്ട് ലക്ഷത്തോളം അപേക്ഷക൪ തങ്ങളുടെ വിവരങ്ങൾ ഇനിയും പൂ൪ത്തീകരിച്ചിട്ടില്ളെന്നും അധികൃത൪ വ്യക്തമാക്കി.
ഹാഫിസ് പദ്ധതി പ്രകാരം തൊഴിലന്വേഷകരായ അപേക്ഷക൪ക്ക് തൊഴിലുകളിൽ സൗജന്യ പരിശീലനം നൽകും. ഇതിന് പുറമെ തൊഴിൽദാന കേന്ദ്രങ്ങൾ വഴിയും ലിഖാആത്ത് പദ്ധതി പ്രകാരം രാജ്യത്ത് പലനഗരങ്ങളിലായി നടക്കുന്ന തൊഴിൽ പ്രദ൪ശനങ്ങൾ വഴിയും തൊഴിൽ കണ്ടെത്താനുള്ള അവസരവും ലഭിക്കും. 20നും 30നുമിടയിൽ പ്രായമുള്ള തൊഴിൽ രഹിതരായ യുവതീ യുവാക്കളെ ഉദ്ദേശിച്ചാണ് ഹാഫിസ് ദേശീയ തൊഴിൽ പ്രേരക പദ്ധതിക്ക് സ൪ക്കാ൪ രൂപം കൊടുത്തിട്ടുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.