മനാമ: രാജ്യമെങ്ങും അത്യാഹ്ളാദപൂ൪വം ദേശീയദിനം ആഘോഷിച്ചു. അറബ് രാജ്യങ്ങളിലെയും മറ്റ് സൗഹൃദ രാജ്യങ്ങളിലെയും തലവന്മാ൪ ബഹ്റൈനി ജനതക്കും ഭരണ നേതൃത്വത്തിനും ആശംസകൾ നേ൪ന്നു. തു൪കി പ്രസിഡൻറ് അബ്ദുല്ല ഗുൽ പ്രധാനമന്ത്രി പ്രിൻസ് ഖലീഫ ബിൻ സൽമാൻ ആൽ ഖലീഫക്ക് അയച്ച സന്ദേശത്തിൽ രാജ്യത്തിന് കൂടുതൽ പുരോഗതിയും വള൪ച്ചയും ശാന്തിയും സമാധാനവും നേടാൻ കഴിയട്ടെയെന്ന് ആശംസിച്ചു. പ്രധാനമന്ത്രിക്ക് ദീ൪ഘായുസും ആരോഗ്യവും നേ൪ന്ന അദ്ദേഹം കൂടുതൽ നല്ല നിലയിൽ രാജ്യത്തെ നയിക്കാൻ കഴിയട്ടെയെന്നും സന്ദേശത്തിൽ പറഞ്ഞു. തുനീഷ്യൻ പ്രസിഡൻറ് ഡോ. മുൻസിഫ് ആൽ മ൪സൂഖി രാജാവിന് ആശംസയ൪പ്പിച്ചു.
ചൈനയിലെ ബഹ്റൈൻ എംബസിയിൽ ദേശീയ ദിനാഘോഷം സംഘടിപ്പിച്ചു. അംബാസഡ൪ ബീബി സയ്യിദ് ശരീഫ് അൽഅലവിയുടെ നേതൃത്വത്തിൽ നടന്ന ആഘോഷ പരിപാടികളിൽ ചൈനീസ് സ൪ക്കാരിലെ മന്ത്രിമാരടക്കമുള്ള ഉന്നത വ്യക്തിത്വങ്ങൾ പങ്കെടുത്തു. അവിടുത്തെ ഉപപ്രധാനമന്ത്രി ഴാംഗ് മിംഗ് പരിപാടിയിൽ മുഖ്യാതിഥിയായിരുന്നു. ബഹ്റൈനിലെ മുൻ ചൈനീസ് അംബാസഡ൪മാരും അറബ്-ചൈനീസ് ഫ്രണ്ട്ഷിപ്പ് സൊസൈറ്റി പ്രസിഡൻറും സന്നിഹിതരായിരുന്നു. ബീജിംഗിലെ എംബസി ആസ്ഥാനത്ത് നടന്ന ചടങ്ങിൽ അറബ്, ഗൾഫ് മേഖലയിലെ അംബാസഡ൪മാരും നയതന്ത്ര പ്രതിനിധികളും പങ്കെടുത്തിരുന്നു.
ബഹ്റൈൻ ചേമ്പ൪ ഓഫ് കോമേഴ്സ് ആൻറ് ഇൻറസ്ട്രി ചെയ൪മാൻ ഡോ. എസ്സാം ഫക്രു കഴിവുറ്റ ഭരണ നേതൃത്വത്തിന് ഭാവുകങ്ങൾ നേ൪ന്നു. രാജാവിൻെറ ഭരണ പരിഷ്കാരങ്ങൾ പ്രാദേശിക വ്യാപാരം അഭവൃദ്ധിപ്പെടുന്നതിന് സഹായിച്ചതായി അദ്ദേഹം പറഞ്ഞു. ഭരണ നേതൃത്വത്തിൻെറ ദീ൪ഘവീക്ഷണത്തോടെയുള്ള നയങ്ങൾ ഭാവിയിലും രാജ്യത്തെ പുരോഗതിയിലേക്ക് നയിക്കാൻ പ്രചോദനമാകുമെന്ന് അദ്ദേഹം കൂട്ടിച്ചേ൪ത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.