ദേശീയ ചലച്ചിത്ര പുരസ്കാര വിതരണ ചടങ്ങ് നിശ്ചയിച്ച ദിവസം പൗരത്വ ഭേദഗതി നിയമത്തിനെതിരായ പ്രതിഷേധ ചടങ്ങിൽ പങ്കെടുത്ത് നടി സാവിത്രി ശ്രീധരൻ. സക്കരിയ സംവിധാനം ചെയ്ത സുഡാനി ഫ്രം നൈജീരിയ എന്ന സിനിമയിലെ അഭിനയത്തിന് ദേശീയ പുരസ്കാരം ലഭിച്ച സാവിത്രി പൗരത്വ ഭേദഗതി നിയമത്തിൽ പ്രതിഷേധിച്ച് പുരസ്കാരം നിരസിച്ചിരുന്നു. ഇതിനു പുറമെയാണ് പുരസ്കാരം വിതരണം ചെയ്യാൻ നിശ്ചയിച്ച തിങ്കളാഴ്ചതന്നെ പ്രതിഷേധത്തിൽ പെങ്കടുത്ത് അവർ നിലപാട് വ്യക്തമാക്കിയത്.
മലപ്പുറം പുത്തനത്താണി ഗൈഡ് കോളജ് സംഘടിപ്പിച്ച ‘ഗൈഡ് ഫെസ്റ്റി’നോട് അനുബന്ധിച്ച് വിദ്യാർഥികൾ നടത്തിയ പ്രതിഷേധത്തിലാണ് പങ്കെടുത്തത്. രാജ്യത്തിെൻറ മതനിരപേക്ഷതയെ തകർക്കുന്നതാണ് പൗരത്വ ഭേദഗതി നിയമമെന്നും അതിനാലാണ് പുരസ്കാരം നിരസിച്ചതെന്നും സാവിത്രി പറഞ്ഞു. വയലിനിസ്റ്റ് റിനീഷ് നാരായണനും പ്രതിഷേധത്തിൽ പങ്കെടുത്തു. ഗൈഡ് കോളജ് പ്രിൻസിപ്പൽ പി.കെ. ജലജകുമാരി അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.