നടൻ ദിലീപിനെതിരായ കേസ് കെട്ടിച്ചമച്ചതാണെന്ന ശ്രീനിവാസൻെറ പരാമാർശത്തിനെതിരെ നടി രേവതി. മികച്ച സിനിമകൾ ചെയ്ത സെലിബ്രിറ്റികളുടെ ഇത്തരം പരാമർശങ്ങൾ വിഷമമുണ്ടാക്കുന്നുവെന്ന് രേവതി ട്വിറ്ററിൽ കുറിച്ചു.
സെലിബ്രിറ്റിക ൾ സംസാരിക്കുമ്പോൾ അൽപം കൂടി ഉത്തരവാദിത്തം കാണിക്കേണ്ടതുണ്ടെന്നും അവരുടെ പ്രസ്താവനകൾ അടുത്ത തലമുറയിൽ എങ്ങിനെ പ്രതിഫലിക്കുമെന്ന് ചിന്തിക്കേണ്ടതുണ്ടെന്നും രേവതി വ്യക്തമാക്കി.
കഴിഞ്ഞ ദിവസമാണ് ശ്രീനിവാസൻ ദിലീപിനെ അനുകൂലിച്ച് രംഗത്തെത്തിയത്. പൾസർ സുനിക്ക് ഒന്നരക്കോടി രൂപയുടെ ക്വട്ടേഷൻ നൽകിയെന്നത് അവിശ്വസനീയമാണ്. താൻ അറിയുന്ന ദിലീപ് ഒന്നര പൈസ പോലും ഇതിനായി ചെലവാക്കില്ലെന്നും അദ്ദേഹം പറഞ്ഞു. ഒരു ചാനൽ അഭിമുഖത്തിലാണ് ശ്രീനിവാസൻ ഇക്കാര്യം പറഞ്ഞത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.