കോവിഡ്-19 രോഗഭീതിയിൽ ജനം യു.എസിലെ ഒരു സൂപ്പർമാർക്കറ്റിനുമുന്നിൽ ക്യൂ നിൽക്കുന്ന വിഡിയോ ട്വീറ്റ് ചെയ്ത് ബോളിവുഡ് സംവിധായകൻ രാംഗോപാൽ വർമ കുറിച്ചു:
‘ഒടുവിൽ െകാറോണ വൈറസ് വേണ്ടിവന്നു, എസ്.എസ്. രാജമൗലിയുടെ ബാഹുബലി-2നെ തോൽപിക്കാൻ. ഈ സിനിമ കാണാനെത്തിയവരെ മറികടക്കുന്ന ക്യൂവാണ് ഇപ്പോൾ ഈ കടക്കു മുന്നിൽ’.
കോവിഡ്-19 ഭീതിയെതുടർന്ന്, അവശ്യസാധനങ്ങൾ വാങ്ങാൻ ജനം കടകൾക്കുമുന്നിൽ തിരക്കുകൂട്ടുന്നത് ഇപ്പോൾ യു.എസിലെ പതിവുകാഴ്ചയാണ്. ബാഹുബലി രണ്ടാം ഭാഗം യു.എസിൽ റിലീസ്ചെയ്തപ്പോഴാണ്, സമാന ജനത്തിരക്ക് കണ്ടതെന്നാണ് രാംഗോപാൽ വർമ സൂചിപ്പിക്കുന്നത്.
2017ൽ ചിത്രം റിലീസ് ചെയ്തപ്പോൾ, യു.എസില്‍നിന്ന് രണ്ടുദിവസം 50 കോടി രൂപയാണ് നേടിയത്. ബാഹുബലി-2െൻറ വലിയൊരാരാധകൻ കൂടിയാണ് വർമ. ഈ സിനിമ ഇഷ്ടപ്പെടാത്തവരെ മാനസികരോഗത്തിന് ചികിത്സിക്കണമെന്നാണ് അന്ന് അദ്ദേഹം ട്വീറ്റ് ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.