ദിലീപും താനും നിരപരാധികൾ; പൾസർ സുനി​െയ അറിയില്ല- നാദിർഷ

നെടുമ്പാശ്ശേരി: നടിയെ ആക്രമിച്ച കേസുമായി ബന്ധപ്പെട്ട് സംവിധായകൻ നാദിർഷയെ അന്വേഷണ സംഘം അഞ്ച് മണിക്കൂറോളം ചോദ്യം ചെയ്തു. ഞായറാഴ്​ച രാവിലെ 10.10 ഓടെ ആലുവ പൊലീസ്​ ക്ലബിൽ ഹാജരായ നാദിർഷയിൽനിന്ന്​ തയാറാക്കിയ ചോദ്യാവലിയുടെ അടിസ്​ഥാനത്തിലാണ്​ വിവരങ്ങൾ ശേഖരിച്ചത്​. ആലുവ റൂറൽ എസ്​.പി എ.വി. ജോർജ്, ൈക്രംബ്രാഞ്ച് ഡിവൈ.എസ്​.പി മധുസൂദനൻ, സി.ഐ. ബൈജു കെ. പൗലോസ്​ എന്നിവരുടെ നേതൃത്വത്തിലായിരുന്നു നടപടി.

ചോദ്യം ചെയ്യൽ പൂർത്തിയായ ശേഷം ഉച്ചക്ക്​ 2.50 ഓടെ പൊലീസ്​ ക്ലബിൽനിന്ന്​ പുറത്തിറങ്ങിയ നാദിർഷ, തന്നെ അറസ്​റ്റ് ചെയ്യുമെന്ന് അന്വേഷണ സംഘം ഭീഷണിപ്പെടുത്തിയിട്ടില്ലെന്ന് വ്യക്തമാക്കി. മുൻകൂർ ജാമ്യാപേക്ഷയിലെ കാര്യങ്ങൾ മാധ്യമങ്ങൾ ഉൗതിപ്പെരുപ്പിച്ചതാണ്​. അന്വേഷണം ശരിയായ വിധത്തിൽ മുന്നോട്ടുപോകാൻ ചില സംശയങ്ങൾ ദൂരികരിക്കേണ്ടതുണ്ടെന്നാണ് പൊലീസ്​ പറഞ്ഞത്. ചോദ്യങ്ങൾക്കെല്ലാം സത്യസന്ധമായി ഉത്തരം നൽകി. അതെല്ലാം അവർക്ക് ബോധ്യപ്പെ​െട്ടന്നാണ് കരുതുന്നത്​. ‘കട്ടപ്പനയിലെ ഋത്വിക് റോഷൻ’ സിനിമ സെറ്റിൽ മുഖ്യപ്രതി പൾസർ സുനിക്ക് 25,000 രൂപ കൈമാറിയെന്ന ആരോപണത്തെക്കുറിച്ച ചോദ്യത്തിന്​​ സുനിയെ തനിക്ക് അറിയില്ലെന്ന്​ നാദിർഷ ആവർത്തിച്ചു.

കാക്കനാട് ജയിലിൽനിന്ന്​ സുനി ത​​​െൻറ ഫോണിലേക്ക് വിളിച്ചു എന്ന്​ പൊലീസ്​ പറയുമ്പോഴാണ് അറിയുന്നത്. ത​​​െൻറ ഫോണിലേക്ക്​ പലരും വിളിക്കാറുണ്ട്. സുനിയെ പരിചയമില്ലാത്തതുകൊണ്ടാണ് വിളിച്ച കാര്യം ശ്രദ്ധിക്കാതിരുന്നത്. ദിലീപ് കുറ്റം ചെയ്തിട്ടില്ലെന്ന ഉറച്ച വിശ്വാസം തനിക്കുണ്ട്. ചില മാധ്യമങ്ങൾ തങ്ങൾക്കെതിരെ നിരന്തരം വാർത്തകൾ തയാറാക്കുകയാണ്​. ദിലീപിനെതിരെ മൊഴി നൽകാൻ പൊലീസ്​ നിർബന്ധിച്ചിട്ടില്ല. താൻ ഇതുവരെ ഒരു ക്രിമിനൽ കേസിലും പ്രതിയല്ല. പക്ഷേ, ഇപ്പോൾ വളരെ പേർ സംശയിക്കുന്നു. കഴിഞ്ഞ ദിവസം ചോദ്യം ചെയ്യലിന്​ ഹാജരായപ്പോൾ ഡോക്​ടർമാരാണ്​ ആരോഗ്യപ്രശ്​നമുണ്ടെന്ന്​ പറഞ്ഞത്​. അത്​ ത​​​െൻറ തന്ത്രമായിരുന്നെന്ന പ്രചാരണം തെറ്റാണെന്നും നാദിർഷ പറഞ്ഞു. 

നാദിർഷയെ പ്രതിയാക്കുന്നത്​ ആലോചിച്ചിട്ടില്ല -എസ്​.പി
നെ​ടു​മ്പാ​ശ്ശേ​രി: ന​ടി​യെ ആ​ക്ര​മി​ച്ച കേ​സി​ൽ നാ​ദി​ർ​ഷ​യെ പ്ര​തി​യാ​ക്കു​ന്ന കാ​ര്യം അ​ന്വേ​ഷ​ണ സം​ഘം ആ​ലോ​ചി​ച്ചി​ട്ടി​ല്ലെ​ന്ന് റൂ​റ​ൽ എ​സ്.​പി എ.​വി. ജോ​ർ​ജ്. ചോ​ദ്യം ചെ​യ്യ​ലു​മാ​യി ശ​രി​യാ​യ വി​ധ​ത്തി​ൽ നാ​ദി​ർ​ഷ സ​ഹ​ക​രി​ച്ചി​ട്ടു​ണ്ട്. കു​റ്റ​പ​ത്രം സ​മ​ർ​പ്പി​ക്കു​ന്ന​തു​ൾ​പ്പെ​ടെ ബാ​ക്കി കാ​ര്യ​ങ്ങ​ൾ മു​റ​യ്ക്കു​ത​ന്നെ ന​ട​ക്കു​മെ​ന്നും അ​ദ്ദേ​ഹം പ​റ​ഞ്ഞു. നാ​ദി​ർ​ഷ​യെ ചോ​ദ്യം ചെ​യ്ത​ത്​ സം​ബ​ന്ധി​ച്ച വി​ശ​ദ റി​പ്പോ​ർ​ട്ട് ഹൈ​കോ​ട​തി​ക്ക് കൈ​മാ​റും.  നാ​ദി​ർ​ഷ​യു​ടെ മു​ൻ​കൂ​ർ ജാ​മ്യ​ഹ​ര​ജി പ​രി​ഗ​ണി​ക്കു​ന്ന​തു​കൊ​ണ്ടാ​ണി​ത്. നാ​ദി​ർ​ഷ​യെ എ​ന്തു​കൊ​ണ്ട് ചോ​ദ്യം ചെ​യ്യു​ന്നു, തു​ട​ർ​ന്നും ചോ​ദ്യം ചെ​യ്യേ​ണ്ട​തു​ണ്ടോ,  അ​റ​സ്​​റ്റ് ചെ​യ്ത് റി​മാ​ൻ​ഡി​ൽ ​െവ​ക്കേ​ണ്ട​തു​ണ്ടോ തു​ട​ങ്ങി​യ കാ​ര്യ​ങ്ങ​ളും കോ​ട​തി​യെ അ​റി​യി​ക്കും.