ലിബര്‍ട്ടി ബഷീര്‍ വീണ്ടും ചലച്ചിത്ര നിര്‍മ്മാണ രംഗത്തേക്ക്. സുരേഷ് ഗോപിയെ നായകനാക്കി ഭരത് ചന്ദ്രന്‍ ഐ.പി.എസ് എന്ന ചിത്രത്തിന്റെ രണ്ടാം ഭാഗവുമായാണ് ലിബര്‍ട്ടി ബഷീറിന്റെ മടങ്ങി വരവ്. രഞ്ജിപണിക്കരാണ് രണ്ടാം ഭാഗവും കഥയെഴുതി സംവിധാനം ചെയ്യുന്നത്.
ദിലീപിന്‍റെ നേതൃത്വത്തില്‍ ആരംഭിച്ച പുതിയ സംഘടന, ഫിലിം എക്‌സിബിറ്റേഴ്‌സ് യുണൈറ്റഡ് ഓര്‍ഗനൈസേഷന്‍ ഓഫ് കേരളയുടെ വരവോടെ സമരത്തിന് അവസാനമായെങ്കിലും ലിബര്‍ട്ടി ഉള്‍പ്പെടെയുള്ള തീയേറ്ററുകള്‍ക്ക് പുതിയ ചിത്രങ്ങള്‍ നല്‍കേണ്ടെന്നായിരുന്നു തീരുമാനം. നിര്‍മ്മാതാക്കളും വിതരണക്കാരും ഒറ്റക്കെട്ടായി തീരുമാനിച്ചതോടെ ബഷീറിന്റെ തിയേറ്ററുകളിൽ പുതിയ ചിത്രങ്ങൾ എത്തിയില്ല. തീയേറ്റര്‍ ബിസിനസ് അവസാനിപ്പിക്കാന്‍ പോവുകയാണെന്നും തിയ്യറ്റര്‍ സമുച്ചയം പൊളിച്ച് മാറ്റി ഷോപ്പിങ്ങ് കോംപ്ലക്സ് നിര്‍മ്മിക്കുമെന്നും അദ്ദേഹം പ്രഖ്യാപിച്ചിരുന്നു.കഴിഞ്ഞ ദിവസം കണ്ണൂരിലെത്തിയ നടന്‍ സുരേഷ് ഗോപിയുമായി നടത്തിയ ചര്‍ച്ചകള്‍ക്ക് ശേഷമാണ് നിര്‍മ്മാണ രംഗത്തേക്ക് തിരിച്ചെത്താന്‍ ബഷീര്‍ തീരുമാനിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.