ലോസ്ആഞ്ചലസ്: 71ാമത് എമ്മി പുരസ്കാരങ്ങൾ വിതരണം ചെയ്തു. ലോസ് ആഞ്ചലസിലെ മൈക്രോസോഫ്റ്റ് തീയേറ്ററിലാ ണ് പുരസ്കാര ദാനം നടന്നത്. മികച്ച നാടക പരമ്പരക്കുള്ള പുരസ്കാരം ഗെയിം ഓഫ് ത്രോൺസിനും ഹാസ്യ പരമ്പരക്കുള്ള പുരസ്കാരം ഫ്ലീ ബാഗിനും ലഭിച്ചു. ചെർണോബിൽ ആണ് മികച്ച ലിമിറ്റഡ് സീരീസ്.
ഹാസ്യ പരമ്പരയിലെ നായക നടനുള്ള പുരസ്കാരം ബിൽ ഹാഡറും നടിക്കുള്ള പുരസ്കാരം ഫോബ് വാലെറും കരസ്ഥമാക്കി. ടോണി ഷാൽഹോബ് സ്വഭാവ നടനും അലക്സ് ബോസ്റ്റെയ്ൻ സ്വഭാവ നടിക്കുമുള്ള പുരസ്കാരം നേടി. ഹാരി ബ്രാഡ്ബീർ മികച്ച ഹാസ്യ പരമ്പര സംവിധായകനുള്ള പുരസ്കാരം സ്വന്തമാക്കി.
നാടക പരമ്പരയിലെ നായക നടനുള്ള പുരസ്കാരം ബില്ലി പോർട്ടറും നടിക്കുള്ള പുരസ്കാരം ജോഡി കോമറും കരസ്ഥമാക്കി. സ്വഭാവ നടനുള്ള പുരസ്കാരം പീറ്റർ ഡിങ്ക്ലേജും നടിക്കുള്ള പുരസ്കാരം ജൂലിയ ഗാർണറും സംവിധായകനുള്ള പുരസ്കാരം ജെയ്സൺ ബാറ്റ്മാനും സ്വന്തമാക്കി.
ജാറൽ ജെറോം ലിമിറ്റഡ് സീരീസിലെ നായക നടനുള്ള പുരസ്കാരം ഏറ്റുവാങ്ങിയപ്പോൾ മിഷെൽ വില്ല്യംസ് നടിക്കുള്ള പുരസ്കാരം നേടി. ബെൻ വിഷാവ് സഹനടനുള്ള അവാർഡും പട്രീഷ്യ അർക്വെറ്റ് സഹനടിക്കുള്ള അവാർഡും നേടി. ഈ വിഭാഗത്തിലെ മികച്ച സംവിധായകനുള്ള അവാർഡ് ജോൺ റെൻക് കരസ്ഥമാക്കി.
വിവിധ വിഭാഗത്തിലെ മറ്റ് പുരസ്കാരങ്ങൾ
റിയാലിറ്റി കോംപറ്റീഷ്യൻ സീരീസ്: ‘രു പോൾസ് ഡ്രാഗ് റേസ്’
വെറൈറ്റി ടോക് സീരീസ്: ‘ലാസ്റ്റ് വീക്ക് ടുനൈറ്റ് വിത്ത് ജോൺ ഒലിവർ’
വെറൈറ്റി സ്കെച്ച് സീരീസ്: ‘സാറ്റർഡേ നൈറ്റ് ലൈവ്’
മികച്ച ടെലിവിഷൻ മൂവി: ‘ബാൻറർസ്നാച്ച്’
ഹാസ്യ പരമ്പര രചന: ഫോബ് വാലെർ
നാടക പരമ്പര രചന: ജെസ്സ് ആംസ്ട്രോങ്
ലിമിറ്റഡ് സീരീസ് രചന: ക്രെയ്ഗ് മാസിൻ
അമേരിക്കൻ ടെലിവിഷൻ രംഗത്തെ മികച്ച പരിപാടികൾക്ക് നൽകുന്ന പുരസ്കാരമാണ് എമ്മി പുരസ്കാരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.