കൊച്ചി: എറണാകുളത്തെ ഇടത്-വലത് സ്ഥാനാർഥികൾ മികച്ചവരെന്ന നടൻ മമ്മൂട്ടിയുടെ പ്രസ്താവനയെ വിമർശിച്ച് എൻ.ഡി.എ സ്ഥ ാനാർഥി അൽഫോൺസ് കണ്ണന്താനം. പരാമർശത്തിന് പിന്നിൽ മമ്മൂട്ടിയുടെ ഹുങ്കാണെന്ന് കണ്ണന്താനം ആരോപിച്ചു.
നമ്മൾ ച ീത്തയാണെന്നും മറ്റുള്ളവർ മാന്യന്മാരാണെന്നും അർഥമാക്കുന്നതാണ് മമ്മൂട്ടിയുടെ പ്രസ്താവന. പക്വതയില്ലായ്മയാണ് ഇത് ചൂണ്ടിക്കാട്ടുന്നത്. ഞാനാണ് തീരുമാനിക്കുന്നത് ആർക്ക് വോട്ട് ചെയ്യണമെന്ന ഭാവമാണ് മമ്മൂട്ടിക്കെന്നും കണ്ണന്താനം പറഞ്ഞു.
മമ്മൂട്ടിയുടെ പരാമർശത്തിന് പിന്നിൽ മോഹൻലാലിനെ കണ്ട് പിന്തുണ തേടിയതിന്‍റെ വിരോധമാകാം. തെരഞ്ഞെടുപ്പിൽ ജയിക്കുമെന്നാണ് പ്രതീക്ഷയെന്നും കണ്ണന്താനം മാധ്യമങ്ങളോട് വ്യക്തമാക്കി.
എറണാകുളം പനമ്പിള്ളിനഗർ ജി.എച്ച്.എസ്.എസിലെ 105ാം നമ്പർ ബൂത്തിൽ ഭാര്യ സുൽഫത്തിനൊപ്പം വോട്ട് രേഖപ്പെടുത്താൻ എത്തിയപ്പോഴാണ് നടൻ മമ്മൂട്ടി, യു.ഡി.എഫ് സ്ഥാനാർഥി ഹൈബി ഈഡനെയും എൽ.ഡി.എഫ് സ്ഥാനാർഥി പി. രാജീവിനെയും കുറിച്ച് പ്രതികരിച്ചത്.
ഇടത്തും വലത്തുമായി നിന്ന ഇരു സ്ഥാനാർഥികളെയും ചൂണ്ടി ഇവർ രണ്ടുപേരും നമുക്ക് വേണ്ടപ്പെട്ടവരാണെന്ന് വോട്ട് ചെയ്തിറങ്ങിയ മമ്മൂട്ടി മാധ്യമപ്രവർത്തകരോട് പറഞ്ഞത്.
വോട്ട് നമ്മുടെ അവകാശമല്ല, അധികാരമാണ്. ആ അധികാരം വിനിയോഗിക്കാൻ കിട്ടുന്ന ഏക അവസരമാണ് ഇത്. അതിനാൽ ആരും വോട്ട് ചെയ്യാതിരിക്കരുത്. കൂടെ പഠിച്ചവരും സഹപ്രവർത്തകരും കൂട്ടുകാരുമൊക്കെ ഈ തെരഞ്ഞെടുപ്പിൽ മത്സരിക്കുന്നുണ്ടെന്നും മമ്മൂട്ടി വ്യക്തമാക്കിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.