ശ്രീനഗർ: നടി സൈറ വസീം സഞ്ചരിച്ച കാർ കശ്മീരിൽ ദാൽ തടാകത്തിലേക്ക് മറിഞ്ഞെങ്കിലും പ്രദേശവാസികളുടെ സമയോചിത ഇടപെടലിൽ അവർ പരിക്കില്ലാതെ രക്ഷപ്പെട്ടു. ആമിർഖാെൻറ സൂപ്പർ ഹിറ്റ് ചിത്രമായിരുന്ന ‘ദംഗലിൽ’ ഗുസ്തിതാരം ഗീത ഫോഗട്ടിെൻറ ചെറുപ്പകാലം അഭിനയിച്ചാണ് 16കാരിയായ സൈറ പ്രശസ്തയായത്.
കശ്മീരി നടിയായ ഇവർക്ക് ദംഗലിലെ അഭിനയത്തിന് മികച്ച സഹനടിക്കുള്ള ദേശീയ അവാർഡും ലഭിച്ചിരുന്നു. ദാൽ തടാകത്തിന് സമീപത്തുകൂടി അമിതവേഗത്തിൽ കാറോടിച്ചുപോകവെ ഡ്രൈവർക്ക് നിയന്ത്രണംവിട്ട് വാഹനം തടാകത്തിലേക്ക് പതിക്കുകയായിരുന്നുവെന്ന് പൊലീസ് പറഞ്ഞു. ഉടൻ സമീപത്തുണ്ടായിരുന്നവർ ചേർന്ന് സൈറയെയും സഹയാത്രികയെയും രക്ഷപ്പെടുത്തി.
പ്രദേശവാസിയായ രാഷ്ട്രീയക്കാരെൻറ കാറിലാണ് ഇവർ സഞ്ചരിച്ചിരുന്നതെന്ന് പറയുന്നു. ആർക്കും പരിക്കില്ലാത്തതിനാലും പൊതുമുതൽ നശിപ്പിച്ചതായി പരാതിയില്ലാത്തതിനാലും േകസെടുത്തിട്ടില്ലെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.