അപകടത്തിൽപെട്ട വാഹനം
Posted On
date_range Updated On
date_range പിക്കപ്പ് വാൻ വൈദ്യുതി പോസ്റ്റിൽ ഇടിച്ച് മൂന്ന് പേർ മരിച്ചു
ബംഗളൂരു: യാദ്ഗിർ ജില്ലയിലെ മദ്നാൽ ഗ്രാമത്തിൽ ഞായറാഴ്ച വൈകുന്നേരം സ്ത്രീ തൊഴിലാളികളെ വഹിച്ചുകൊണ്ടുപോയ പിക്കപ്പ് വാഹനം വൈദ്യുതി തൂണിൽ ഇടിച്ചുകയറി മൂന്ന് പേർ മരിക്കുകയും 15 പേർക്ക് പരിക്കേൽക്കുകയും ചെയ്തു. വി.ഭാഗ്യശ്രീ (35), എം.സത്യമ്മ (30), കെ.ഹൊന്നിംഗമ്മ (18) എന്നിവരാണ് മരിച്ചത്. തൊഴിലാളികൾ ഒരു ദിവസത്തെ ജോലി കഴിഞ്ഞ് വീട്ടിലേക്ക് മടങ്ങുമ്പോഴാണ് അപകടം നടന്നത്. പരിക്കേറ്റ തൊഴിലാളികളെ ഷഹാപൂർ ആശുപത്രിയിലേക്ക് മാറ്റി.
മദ്നാൽ ഗ്രാമത്തിന് ചുറ്റുമുള്ള വയലുകളിൽ പരുത്തി വിളകളുടെ അവശിഷ്ടങ്ങൾ നീക്കം ചെയ്യുന്നതിനായി കർഷകത്തൊഴിലാളികളായി ജോലി ചെയ്യാൻ പുലർച്ചെ പോയതായിരുന്നു തൊഴിലാളികൾ. ഭീമരായണഗുഡിയിൽ നിന്നുള്ള പൊലീസ് സ്ഥലത്തെത്തി അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.