മൂല്യങ്ങളിൽനിന്ന് പിറകോട്ട് നയിക്കാൻ ബോധപൂർവനീക്കം -മുഖ്യമന്ത്രി തിരുവനന്തപുരം: നാവോത്ഥാന നായകർ നേടിത്തന്ന മൂല്യങ്ങളിൽനിന്ന് സംസ്ഥാനത്തെ പിറകോട്ട് നയിക്കാൻ ബോധപൂർവശ്രമം നടക്കുെന്നന്ന് മുഖ്യമന്ത്രി പിണറായി വിജയൻ. ജാതീയമായി ഭിന്നിപ്പിച്ച് ജനകീയ െഎക്യത്തെ ചേരികളാക്കാനാണ് ഒരുവിഭാഗം നീക്കം നടത്തുന്നതെന്നും അദ്ദേഹം പറഞ്ഞു. 'ജാതീയതക്കും വർഗീയതക്കുമെതിരെ നായാടി മുതൽ നമ്പൂതിരി വരെ' തലക്കെട്ടിൽ ഹിന്ദുപാർലമെൻറ് ജനകീയസഭ വി.ജെ.ടി ഹാളിൽ സംഘടിപ്പിച്ച സെമിനാർ ഉദ്ഘാടനം ചെയ്യുകയായിരുന്നു മുഖ്യമന്ത്രി. ധ്രുവീകരണത്തിെൻറ ആപത്ത് തിരിച്ചറിഞ്ഞ് പുേരാഗമന രാഷ്ട്രീയ പ്രസ്ഥാനങ്ങൾ കർശനനിലപാട് സ്വീകരിച്ചിട്ടുണ്ട്. ഇൗ നിലപാട് രാഷ്ട്രീയ നേട്ടത്തിനാണെന്ന് വ്യാഖ്യാനിച്ചേക്കാം. എങ്കിലും പ്രസ്ഥാനങ്ങൾ പിന്നോട്ട് പോയിട്ടില്ല. എന്നാൽ, ജാതി സംഘടനകൾ തന്നെ വർഗീയതക്കെതിരെ നിലപാട് സ്വീകരിക്കുന്നത് പ്രസക്തമാണെന്ന് അദ്ദേഹം പറഞ്ഞു. ഹിന്ദു പാർലമെൻറ് ചെയർമാൻ അഡ്വ.പി.ആർ. ദേവദാസ് അധ്യക്ഷത വഹിച്ചു. മുൻമന്ത്രി വി. സുരേന്ദ്രൻ പിള്ള, എ.എം. യൂസുഫ്, അഡ്വ. സി.കെ വിദ്യാസാഗർ, ജി. രാമൻ, ടി.വി. ശിവരാമൻ, പാറത്തോട് വിജയൻ, ടി.എ. കൃഷ്ണൻകുട്ടി, കെ.കെ. ഗംഗാധരൻ, സി.പി സുഗതൻ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.