തിരുവനന്തപുരം: പട്ടം, സെൻറ് മേരീസ് സ്കൂളിൽ സംഘടിപ്പിക്കുന്ന റവന്യൂ ജില്ല സ്കൂൾ ശാസ്ത്രോത്സവത്തോടനുബന്ധിച്ച് വെക്കേഷനൽ എക്സ്പോ ആരംഭിച്ചു. തിരുവനന്തപുരം, കൊല്ലം റീജനുകളിൽനിന്ന് 80 സ്കൂളുകൾ രജിസ്റ്റർ ചെയ്തു. മോസ്റ്റ് ഇന്നൊവേറ്റിവ് വിഭാഗത്തിൽ 18 സ്കൂളുകളും പ്രോഫിറ്റബിൾ വിഭാഗത്തിൽ നാല് സ്കൂളുകളും മാർക്കറ്റബിൾ വിഭാഗത്തിൽ 17 സ്കൂളുകളും കരിക്കുലം റിലേറ്റഡ് വിഭാഗത്തിൽ 41 സ്കൂളുകളും രജിസ്റ്റർ ചെയ്തു. വി.എച്ച്.എസ്.സി ഡയറക്ടർ പ്രഫ.എ. ഫാറൂഖ് ഉദ്ഘാടനം ചെയ്തു. അസി. ഡയറക്ടർ ആർ. നടരാജൻ അധ്യക്ഷത വഹിച്ചു. സംഘാടക സമിതി അംഗം എ.എം. റിയാസ്, പ്രിൻസിപ്പൽ ഫാ. സി.സി. ജോൺ, പി.ടി.എ പ്രസിഡൻറ് ജയകുമാർ, പ്രോഗ്രാം കമ്മിറ്റി കൺവീനർ കെ.എൽ. പ്രകാശ് എന്നിവർ സംസാരിച്ചു. എക്സ്പോ വെള്ളിയാഴ്ച സമാപിക്കും. സാമൂഹിക ശാസ്ത്രമേളയിൽ 20 ഇനങ്ങളിലായി 800 വിദ്യാർഥികളും ഗണിതശാസ്ത്രമേളയിൽ 36 ഇനങ്ങളിൽ 775 പേരും വെക്കേഷനൽ ഹയർ സെക്കൻഡറി വിഭാഗത്തിൽ 250 വിദ്യാർഥികളും വിവിധ മത്സരങ്ങളിൽ പെങ്കടുക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.