തിരുവനന്തപുരം: പാർലമെൻറ് അംഗങ്ങളുടെ ഗ്രാമം ദത്തെടുക്കൽ പരിപാടിയായ സൻസദ് ആദർശ് ഗ്രാം യോജനയുടെ കീഴിൽ കേരളത്തിലെ പാർലമെൻറ് അംഗങ്ങൾ തെരഞ്ഞെടുത്ത പഞ്ചായത്തുകളുടെ സമഗ്ര വികസനത്തിനായുള്ള പദ്ധതി തയാറാക്കുന്നതിന് സംസ്ഥാനതല നോഡൽ ഓഫിസറായി അബ്ദുൽ ജബ്ബാർ അഹമ്മദിനെ എ.ഐ.സി.ടി.ഇ ചെയർമാൻ അനിൽ സഹസ്ര ബുദ്ദേ നാമനിർേദശം ചെയ്തു. തിരൂരങ്ങാടി ഗവ. പോളിടെക്നിക് കോളജ് അധ്യാപകനും തിരൂർ കൂട്ടായി സ്വദേശിയുമായ ഇദ്ദേഹം എൻ.എസ്.എസ് ടെക്നിക്കൽ സെൽ സംസ്ഥാന പ്രോഗ്രാം കോഒാഡിനേറ്റർ കൂടിയാണ്. എ.െഎ.സി.ടി.ഇ എൻ.എസ്.എസ് ടെക്നിക്കൽ സെൽ കേരളയുമായി ചേർന്നാണ് പദ്ധതിയുടെ ആദ്യഘട്ടം നടത്തുന്നത്. വികസനപ്രശ്നങ്ങളെ മനസ്സിലാക്കാനുള്ള സർേവയും സാങ്കേതിക വിദ്യയുടെ സഹായത്തോടെ പ്രശ്നപരിഹാരങ്ങൾ കണ്ടെത്തലുമാണ് ആദ്യഘട്ടത്തിൽ. 2018 ജനുവരി 31ന് മുമ്പ് ഇത് പൂർത്തിയാക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.