അഞ്ചൽ: വെജിറ്റബിൾ ആൻഡ് ഫ്രൂട്ട് പ്രമോഷൻ കൗൺസിൽ കേരള (വി.എഫ്.പി.സി.കെ)യുടെ ആഭിമുഖ്യത്തിൽ നടത്തുന്ന ജില്ല കർഷകോത്സവം അഞ്ചൽ പഞ്ചായത്തിലെ ഏറം വിപണിയിൽ നടക്കും. ഏഴ് മുതൽ 11 വരെയാണ് കർഷകോത്സവം. ഘോഷയാത്ര, പ്രദർശന സ്റ്റാളുകൾ, ബാങ്ക് വായ്പാമേള, മെഡിക്കൽ ക്യാമ്പ്, കാർഷിക സെമിനാർ, മണ്ണ് പരിശോധന കാമ്പയിൻ, കർഷക കുടുംബസംഗമം, കാർഷിക ക്വിസ് തുടങ്ങി വിവിധ കലാപരിപാടികൾ നടക്കും. ഏഴിന് വൈകീട്ട് മൂന്നിന് മന്ത്രി വി.എസ്. സുനിൽകുമാർ ഉദ്ഘാടനം ചെയ്യും. എൻ.കെ. പ്രേമചന്ദ്രൻ എം.പി മുഖ്യപ്രഭാഷണം നടത്തും. കാർഷിക പ്രദർശനോദ്ഘാടനം കൊടിക്കുന്നിൽ സുരേഷ് എം.പിയും മികച്ച കർഷകരെ ആദരിക്കൽ മുല്ലക്കര രത്നാകരൻ എം.എൽ.എയും നിർവഹിക്കും. സ്നേഹസ്പർശം പദ്ധതി ഉദ്ഘാടനം പി. െഎഷാപോറ്റി എം.എൽ.എയും പച്ചക്കറിത്തൈ വിതരണോദ്ഘാടനം കശുവണ്ടി കോർപറേഷൻ ചെയർമാൻ എസ്. ജയമോഹനനും നിർവഹിക്കും. സമാപന സമ്മേളനം 11-ന് രാവിലെ 10ന് മന്ത്രി ജെ. മേഴ്സിക്കുട്ടിയമ്മ ഉദ്ഘാടനം ചെയ്യും. മന്ത്രി കെ. രാജു അധ്യക്ഷത വഹിക്കും. കെ.ബി. ഗണേശ്കുമാർ എം.എൽ.എ പുരസ്കാര വിതരണം നിർവഹിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.