വണ്ടൂര്‍: ഒരുവര്‍ഷം നീണ്ട എടപ്പുലം എ.എം.എല്‍.പി സ്‌കൂള്‍ വാര്‍ഷിക സമ്മേളന സമാപനം ഏപ്രില്‍ ഏഴ്, എട്ട് തീയതികളിൽ നടക്കും. പൊതുവിദ്യാഭ്യാസ സംരക്ഷണ യജ്ഞ ഭാഗമായി രക്ഷിതാക്കളും നാട്ടുകാരും പൂര്‍വ വിദ്യാര്‍ഥികളും അധ്യാപകരും ചേര്‍ന്ന് നിരവധി പദ്ധതികളാണ് വാര്‍ഷിക പരിപാടികളുടെ ഭാഗമായി നടപ്പാക്കിയത്. ഏഴിന് വിദ്യാര്‍ഥികളുടെ കലാപരിപാടികള്‍, ഗുരുവന്ദനം, പൂര്‍വ വിദ്യാര്‍ഥി സംഗമം എന്നിവയും എട്ടിന് സാംസ്‌കാരിക സമ്മേളനവും നടക്കും. പരിപാടിയുടെ മുന്നോടിയായി വിളംബര ഘോഷയാത്ര ശനിയാഴ്ച നടക്കും. വാർത്തസമ്മേളനത്തില്‍ പ്രധാനാധ്യാപിക ഷെര്‍ളി തോമസ്, എം. മുജീബ്‌റഹ്മാന്‍, പൊറ്റയില്‍ ഷംന, അശ്റഫ് കന്നങ്ങാടന്‍, എം. സുരേഷ്ബാബു, അശ്റഫ് പൊറ്റയില്‍ എന്നിവര്‍ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.